Ministru Justisa Dr. Tiago Amaral Sarmento akompañadu husi Assesor Administrasaun, Tomas M. Correia, reuniaun ho nain ba Ensul Meci/DFBC no ninia advogado Pedro Aparicio iha knar fatin, Ministériu Justisa, Rua Colmera, Dili, Kuarta (14/09).

Dili, MJ: Kuarta-feira (14/09) semana ne’e, Ministru Justisa Dr. Tiago Amaral Sarmento hala’o reuniaun ho ENSUL Meci/Dili Financial Bussiness Center (DFBC) ho nia advogadu Timor oan, Pedro Aparicio, iha knar fatin Ministériu Justisa, Rua Colmera-Dili.

Iha reuniaun ENSUL Meci/DFBC ho ninia advogadu mai hasoru Ministru Justisa hodi husu ba Ministru Justisa atu bele emite Guia de Pagamento nune’e sira bele hahu sellu sira nia dividas ne’ebé iha no sira sei selu kontratu arrendamnetu bazeia ba kontratu investementu ne’ebé asina ona ho Governu Timor-Leste.

Bazeia ba klauzula Vigesima quatru (24), Nu. 1. akordu espesial investementu ne’ebé iha ona entre ENSUL Meci ka DFBC ho Governu, parte ENSUL Meci, tenke selu arrendamentu ho montante $6790 kada fulan ba governu Timor-Leste, hahu iha fulan Abril 2020, maske nune’e to’o agora ENSUL Meci sedauk kumpri sira ninia dever hodi selu.

Findo o Periodo 10 Anos de insenção de pagamento de rendas, referido no número 2 da clausula vigésima, O INVESTIDOR ESTERNA pagara mensalmente ao ESTADO a quantia de USD $ 6.790.00 (seis mil setecentos e noventa Dólares Norte Americano), a titlu da renda.”

Investor internasional ENSUL Meci ho Governu Timor-Leste asina akordu espesial investementu iha loron 16 fulan-Abril 2010, no iha Abril 2020 kompleta ona tinan 10, nune'e lolos sira selu ona kontratu arrendamnetu bazeia ba klauzula iha leten.

Ministru Justisa mós insiste katak bazeia ba lei Nu. 19/2004, tenke halo kontratu arrendamnetu ho Diresaun Jeral Terras e Propriedades tanba Kontratu investementu refere buat ketak ida, maibe kontratu arrendamnetu ne’e buat ketak, nune’e Ministru Justisa Dr. Tiago Amaral Sarmento sei prosesa kontratu ba arrendamentu propriedades no terrenu refere bazeia ba levantamentus kadastrus ne’ebé halo ona husi tekniku sira husi Diresaun Jeral Terras e Propriedades, Ministériu Justisa iha fulan Abril liuba wainhira Ministru Justisa foin simu posse semana ida.

Ministru Justisa Dr. Tiago Amaral Sarmento akompañadu husi Assesor Administrasaun, Tomas M. Correia, reuniaun ho nain ba Ensul Meci/DFBC no ninia advogado Pedro Aparicio iha knar fatin, Ministériu Justisa, Rua Colmera, Dili, Kuarta (14/09).

Bazei ba klausula balun iha kontrtau investementu refere sita katak ENSUL Meci labele halo sub arrendamentu ba propriedades no terrenu sira iha eis SAPT laran seim autorizasaun husi Governu Timor-Leste, ne’ebé reprezenta husi Ministériu Justisa. Maske nune’e ENSUL Meci kontinua halo sub-arrenda ba propriedades ne’ebé iha ba sub-arrenadatariu sira hodi hetan lukru liu $60.000 kada mes, maske to’o agora ENSUL Meci rasik sedauk kumpri ninia dever hodi selu arrendamentu ba estadu Timor-Leste.

Ministru Justisa Dr. Tiago Amaral Sarmento mós informa ba parte ENSUL Meci katak agora dadaun hein hela pareser husi Ministériu Publiku hodi Nune’e Ministru Justisa bele avansa ho kontratu arrendamnetu ne’ebé prepara ona husi Ministériu Justisa.

15 Setembru 2022
#Media_Gabinete_MJ