Ministru Justisa Dr. Tiago Amaral Sarmento simu taca husi reprezentante jogador sira, iha cafetaria Ministériu Justisa, Colmera, Dili.

Dili, MJ: Ministru Justisa Dr. Tiago Amaral Sarmento hato'o apresiasaun no parabeniza funsiunariu hirak ne'ebé konsege ultrapasa jogu hotu nune'e bele hetan II lugar iha torneio Futsal Mane, iha jogu Funsaun Publiku Cup ne'ebé hala'o kuaze fulan ida.

”Hau rona ida ne’e horseik (hodibainrua-red), hau kontente los, hanesan Ministru Justisa, lider maximu ita boot sira nian, iha Ministériu Justisa kontente los, hato’o parabens bai ta boot sira hotu, tamba lori Ministériu Justisa nia naran ho diak tebes,” informa Ministru Justisa.

”Ida ne’e hatudu imi nia unidade, tanba la fasil atu ultrapasa, so ho unidade ne’ebe forte mak ita bele to’o iha situasaun sira hanesan ne’e, ekipa futsal mane II Lugar, dada tali feto IV lugar, no basket feto konsege tama semi final”.

Ministru Justisa mós sei fó sertifikadu ba jogadores sira nu'udar apresiasaun ba jogadores sira ne'ebé partisipa ona iha eventu ba komemorasaun loron Funsaun Publiku nian, ne'ebé ekipa futsal mane konsege sai segundu lugar.

23 Jullu 2022
#Media_Gabinete_MJ