Dili, Sua Exselensia Vise Ministru Justisa Dr. José Edmundo Caétano (Saka Timor) Partisipa Seremonia Simu Trofeu Mundial mai Vizita Timor Leste, sabadu ne’e iha Palasiu prezidensia.
Seremonia ne’e diriji husi Exselensia Presidenti Republika Dr. José Ramos Horta no partisipa husi Membru Deputadu I membru VIII Governu Konstitusional, komandante PNTL, no F-FDTL ho Komunidade sira iha Dili laran inklui jogadores sira hotu.

Trofeu mundial ne’ebe husi França mai Timor Leste ho aviaun privadu husi kompaña Cocacola nebe akompaña direita no ho jogador legendariu frança Cristian Karambeu ho ekipa tekniku to’o iha Timor iha oras 9:30, simu direita husi Prezidenti Federasaun Futebol Timor Leste Françisco Martins Pereira Geronimo no Secretariu Estado Juventude Desportu Abrão Saldanha lori kedas ba iha palasiu prezidensia aitarak-laran.
Prezidenti Republika mos orguilu no kontenti hamutuk ho Deputadu no mos Membru Governu sira preparadu inklui ho grupu dansa tadisionais timor hodi simu Trofeu Mundial iha palasiu oin.

Prezidenti hateten vizitasaun trofeu ida ne’e, importante tebes ba povo Timor hodi hare trofeu mundial direita iha Timor, no ita tau tan Timor Leste iha mapa mundial liu husi diplomasia desportiva no desporto bele lori paz no dame ba ita hotu.
Agradese mos ba FFTL nia esforsu tomak inklui VIII Governu Konstitusional nebe susesu lori trofeu mundial mai iha Timor Leste. Tenik PR

Hotu tiha ida ne’e, lori trofeu ne’e mai kedas iha kampu municipal dili, komunidade sira ho antojiasmu preparadu simu trofeu ne’e, no simu ho dansa kultura Timor. Durante iha neba lori trofeu ne’e hadulas tiha kampu hodi hatudu ba komunidade sira iha tripun, komunidade sira kontenti basalima no hakilar hare trofeu refere, lenjendariu ne’e mos hatudu nia experimentu ho jogadores sira hamutuk nain rua nolu, ikus liu sesaun foto ho trofeu mundial.
Sesaun final seremonia refere akompaña trofeu mundial ne’e ba iha airoportu Comoro hodi ba tan iha Australia, 11/6/2022.