LAUTEM-Sekretáriu Estadu Terras Propriedades (SETP) Eldino Rodrigue dos Santos, foin lalais ne’e hala’o vizita servisu ba Diresaun Terras Propriedades (DTP) Munisípiu Lautem hodi marka mós enkontru ho funsionáriu sira.
Iha vizita ne’ebé ho objetivu atu bele haree besik liutan servisu funsionáriu sira nian iha Munisípiu ne’e nia hateten, Terras Propriedades hanesan instituisaun ida ne’ebé mak risku, tanab ne’e husu ba funsionáriu sira tenki servisu tuir knar hodi foti desizaun ruma tuir lei, bainhira foti desizaun la tuir lei sei fó risku ba instituisaun.

Membru Governu ne’e hateten, mezmu nia hetan deit delegasaun competénsia iha area arrendamentu maibé hanesan membru governu nia parte presiza ema hodi nia apoiu no kolaborasaun servisu hodi bele atinje objetivu ointavu governu nian ne’ebé hateten tenki iha rendimentu sustetável nune’e bele reduz dezenpregu iha rai laran.
Eldino hateten, vizita ne’e ho nia objetivu, oinsá mak bele haree direta servisu funsionáriu sira nian iha munisípiu no sira nia atendimentu ba sidadaun sira la’o oinsá, tanba ne’e nia husu ba funsionáriu sira tenki hala’o servisu ho di’ak nune’e mós tenki fó atendimentu ne’ebé mak di’ak ba sidadaun sira.
Bainhira sidadaun sira preszia informsaun ruma, hanesan funsionáriu tenki fó atendimentu ne’ebé di’ak no lós ba komunidade sira, nune’e mós tenki fó atendimentu ne’ebé hanesan, nia hato’o lia hirak ne’e wainhira marka enkontru ho funsionáriu DTP Lautem.

Nia hateten, hanesan membru Governu foun nia parte presiza adapta ho servisu sira iha Terras Propriedades, tanba ne’e tenki ba munisípiu hodi bele haree direta servisu funsionáriu sira nian iha munisípiu.
Hatan ba preokupasaun funsionáriu sira nian kona-ba materiais eskritóriu no ekipamentu eletrónika sira ne’ebé mak durante ne’e sei falta, SETP hateten, nia parte sei hato’o ba iha Ministériu nune’e nia mós husu ba dirijente no funsionáriu sira hodi bele halo planu ba iha 2023.
Iha fatin hanesan Diretora ba Diresaun Terras Propriedades Munisípiu Lautem, Regina de Jesus Ribeiro hateten, nia ho nia funsionáriu sira durante ne’e sempre fó atendimentu ne’ebé di’ak ba sidadaun sira, maibé iha mós sira nia pedidu balu ne’ebé mak labele atende hodi ba to’o terenu tanba distansia dook no la iha transporte.

Diretora ne’e hateten, DTP Munisipiu Lautem iha karreta ida no motorizada 3, maibé hirak ne’e para deit iha eskritóriu tanba la iha manutensaun, nune’e mós la iha komostivel hodi bele sirkula.
“Durante ne’e bainhira ami ba halo levatamentu dadus ruma ami sempre husu izmola komostivel ba iha Administrasaun Munisípiu, ho nune’e ida ne’ebé sai kestaun ba ami mak ne’e tanba sá mak Terras Popriedades kada tinan hatama reseita ne’ebé boot ba kofre Estadu maybe Terras rasik la iha adiantamentu ruma, instituisaun ho diresaun sira ne’ebé mak la hatama resita ba estadu maibé sira iha osan e ekipamentu di’ak liu fali Terras Propriedades ne’ebé mak hatam reseitas.loron 8 fulan-Juñu 2022*