Lautem, Sua Exselensia Vise Ministru Justisa Dr. José Edmundo Caétano (Saka Timor) akompaña Seremonia Lansamentu Vasinasaun Pfizer iha Eskola Sekundária Jerál Lere Anan Timur.
Seremonia ne’e, dirigi hosi Vise Primeira Ministra i Ministra Solidaridade Social no Inkluzaun Dra. Armanda Berta dos Santos, akompaña husi Vise Ministru Justisa Dr. José Edmundo Caétano, Vise Ministru Edukasaun i Desportu, no hetan partisipa husi PDHJ, Administrador Munisipiu Lautem, Komandante PNTL Munisipiu Lautem, Autoridade Local sira, hamutuk ho Diretor Saúde Munisípiu Lautem, inklui parseira non governamental sira, hala'o lansamentu Vasinasaun Pfizer iha Eskola Sekundária Jerál Lere Anan Timur.

Iha intervensaun badak, Vise-Primeira Ministra no Ministra Solidadriedade Sosiál no Inkluzaun, enkoraja katak Estudante sira hotu liliu iha Munisípiu Lautem labele fiar no rona informasaun falsu ne'ebé iha media sosiál. Dalan úniku atu salva ita nia aan husi moras Corona virus mak ita hotu tenki simu vasina hodi kontribui ba estadu no labele habelar moras aat nebe husi rai liur ne’e, objetivu vasinasaun ne'e hodi bele hasa'e ita nia imunidade no prevene a'an husi moras refere i labele daet husi ema ida ba ema seluk, liliu ba ita nia familia iha uma laran rasik no iha eskola.

Lansamentu Vasinasaun Pfizer iha Eskola Sekundária Jerál Lere Anan Timur ne'e, Estudante hamutuk atus neen resin mak simu ona vasina Pfizer ba doze-dahuluk.
Komunidade no estudantes sira mos kontenti hodi simu vasinasaun tamba rona informasaun direita husi governantes sira.
Iha biban ne'e mós Vise-Primeira Ministra no Ministra Solidariedade Sosiál no Inkluzaun, Armanda Berta dos Santos, hamutuk ho Vise-Ministru Edukasaun Joventude no Desportu,no Vise Ministru Justisa ba observasaun konstrusaun Eskola Projetu Komunitáriu iha Eskola Sekundária Jerál Lere Anan Timur.

Entretantu antes lansamentu vasinasaun, Vise Ministru Justisa no Vise Ministru Edukasaun akonpaña Vise Primeira Ministra no Ministra Solidaridade Social no Inkluzaun hala’o vizitasaun ba iha Hospital Municipal Lautem Vila. Iha vizitasaun ne’e, governante nain tolu mos halo solidaridade fahe ai-han ba pasiente sira iha hospital refere.