Dili-Formandu hamotuk 47 nébe hetan rekrutamentu husi Ministeriu da Justica hodi ba tuir formasaun iha area Investigasaun Criminal iha Portugal durante fulan 6 nia laran agora dadaun fila hikas ona mai Timor Leste tamba tamba neé governu liu husi Ministru Justisa sei enkasaixa sira ba iha instituisaun estadu tamba governu investe ona osan barak hodi ba tuir formasaun iha Portugal.

Tuir Ministru Justica Diniosio Babo Soares hateten katak Formandus 47 neébe ba tuir formasaun iha iha area Investigasaun Criminal durante fulan 6 iha Portugal agora dadaun sira fila ona mai Timor Leste tamba neé governu tenke kaer metin nafatin sira tamba sira iha kapasidade neébe diak iha area Investigasaun Criminal.

“Formandus 47 neébe ba tuir formasaun iha area Investigasaun Criminal agora fila ona mai Timor Leste iah kapasidade neébe diak no kualifikadu tamba neé governu liu husi Ministeriu da Justica iha Politika atu bele inkaixa formandus sira neé ba iha institiuisaun estadu nian tamba estadu mak investe ona osan barak ba sira hodi ba tuir formasaun”dehan Minstru Justica Dionisio Babo Soares iha Centru Formasaun Juridiku Caicoli Quinta (8/11)

Iha fatin seluk Procuradoria da Republica Ana Pessoa Pinto hateten katak formadus neébe governu lakon ona osan ba sira hodi ba tuir formasaun tenke kaer metin se lae sira sei halai fali ba instituisaun seluk governu mak sei lakon tamba iha ona esperensia barak governu prepara ema ida iha area espesialidade depois nain hotu haruka fali ba area seluk neé estadu mak lakon.

Iha fatin hanesan mos Defensor Publiku Sergio Hornai hateten mos katak governu kapasita ona Timor oan iha area espesialidade tenke kaer metin se lae nia sei halai fali ba fatin seluk entaun estadu mak lakon.