MINISTRU JUSTISA DIRIJE REUNIAUN KONSELLU KONSULTIVU MINISTÉRIU JUSTISA DESKUTI ASUNTU DESENTRALIZASAUN KOMPETENSIA MINISTÉRIU JUSTISA NIAN


Díli, MJ: Tersa-feira (31/05) loraik ne'e, Ministru Justisa Dr. Tiago Amaral Sarmento konvoka reuniaun Konsellu Konsultivu Ministériu Justisa (KKMJ) iha Sala Reunian Edifisiu Sentral Ministériu Justisa, Dili.

Reuniaun ne'e, hanesan reuniaun konsolidasaun dahuluk entre Ministru Justisa foun ho Dirijentes sira husi Ministériu Justisa nian hafoin simu posse nu’udar Ministru Justisa iha loron 22, fulan Marsu liuba.



Reuniaun konsolidasaun ida ne’e, konvoka hodi rona atualizasaun Servisu husi kada Diresaun Jerál, inklui Servisu husi Defensoria Públiku (DP), Polisia Sientifika no Investigasaun Kriminal (PCIC-sigla portugués) no husi Sentru Formasaun Jurídiku no Judisiáriu (SFJJ), Caicoli -Dili.


Nune'e Ministru Justisa Dr. Tiago Amaral Sarmento, husu ba Diretor sira husi kada Diresaun Jeral no hirak ne’ebé mensiona ona iha leten, atu hato'o sira nia prekupasoens no dezafius sira ne'ebé sira infrenta iha implementasaun programa, nune'e bele hamutuk buka solusaun ba problema sira ne'ebé iha husi leten ba to'o Kraik.


Iha mós apresiasaun ba ezekusaun Orsamentu Ministériu Justisa nian ba primeiru no segundu trimester nian, hodi bele hareehadiak fila-fali ba iha ezekusaun terseiru no kuartu Trimestre nian tuir mai, e halo mós avaliasaun, hodi identifika programa sira ne'ebé implementa ona no sedauk implementa e bele implementa no labele implementa iha tinan fiskal 2022 ne'e.


Ministru Justisa Dr. Tiago Amaral Sarmento lidera reuniaun Konsellu Konsultivu Ministériu Justisa, iha Sala Reniaun, iha Edifisiu Sentral Ministériu Justisa, Rua Justisa, Dili (31/05).



Iha mós aprezentasaun no halo diskusaun kona-ba politika Ministériu Justisa nian kona-ba desentralizasaun kompetensia Ministériu Justisa nian husi Diretor Nasionál Assesoria Jurídiku no Lejizlasaun (DNAJL) no Diretor Jeral Terras e Propriedades, liuliu asuntu kontratu inter orgânica entre Ministériu Justisa ho Minstériu Administrasaun Estatal (MAE) bá domíniu Kadastrais no Rejistro civil ne’ebé kabe ba kompetensia husi Ministériu Justisa nian.

Iha reuniaun nemós Ministru Justisa,Dr. Tiago Amaral Sarmento hato'o orientasoens servisu ba dirijentes sira, nomós ba kada Diresaun sira hodi bele implementa tuir planu servisu ne'ebé iha ona.


31 Maiu 2022
#Media_Gabinete_MJ