Dili, MJ: Segunda-feira (30/05) dader n e’e, Ministru Justisa Dr. Tiago Amaral Sarmento Simu no halao reuniaun ho Prezidente Autoridade Rejiaun Espesial Oecusse Ambeno, Arsenio Bano ho ninia ekipa iha knar fatin Ministériu Justisa hodi hodi koalia asunttu kona-ba ba servisu Rejistu Notariadu no asuntu Servisu Terras e Propriedades ne’ebé impaktu hamosu problema sosial seluk iha RAEOA.


Reuniaun: Ministru Justisa hala'o reuniaun ho Prezidente Autoridade Rejiaun Administrativu Espesial Oecusse-Ambeno, iha sala reuniaun Gabinete, Ministru Justisa, Rua Justisa, Dili.


Iha asuntu Rejistu Notariadu ninian Prezidente Autoridade haktuir katak iha sidadaun kuaze atus lima (atus lima)resin ne’ebé laiha dokumentus identidade no sidauk hetan sira nia sidadania nu’udar timor oan, maske sidadaun indonezia hirak ne’ebé durante ne’e hela iha Oecusse, tanba sira kaben ho Timor oan sira husi Oe-Cusse, “ kestaun ne’e hamosu problema sosial sira seluk tanba sira labele asesu ba direitu sira seluk ne’ebé ejiji identidade, liuliu ba sira ne’ebé tama ona ba terseira idade. No sidadaun sira ne’e mós hela iha Timor-leste ba tempu naruk no balun iha oan no bei oan ona ” haktuir Prezidente RAEOA”
Ministru Justisa Dr. Tiago Amaral Sarmento agradese no obrigadu ba Prezidente RAEOA no ekipa ne’ebé hola inisiativa hodi mai no reuniaun ho Ministru Justisa iha knar fatin, Ministériu Justisa.


Ministru Justisa, Dr. Tiago Amaral Sarmento, esplika katak kona-ba sidadaun Indonezia ne’ebé hela tempu barak ona iha Oecusse, Ministru Justisa husu atu informa ba sidadaun sira hodi bele halo no submete pedidu atu hetan sidadania Timor Leste nian ba Rejistu Notariadu nune’e bele, manda mai nasionál hodi prosesa tuir lei ne’ebé iha hodi sira bele hetan nasionalidade nu’udar Timor Oan.


Bazeia ba Lei nu. 9 /2002 lei ba Nasionalidade, Kapitulu III, artigu 11 no artigu 12 fó dalan atu ema estranjeiru bele hetan sidadania Timor nian liuhusi prosesu ne’ebé iha mak hanesan sidadaun arkirida hanesan naturalizasaun no liuhusi kazamnetu.

Sesaun Foto: Ministru Justisa Dr. Tiago Amaral Sarmento foto hamutuk ho Prezidente Autoridade RAEOA, Arsenio Bano ho ninia komitiva iha Gabinete Ministru Justisa, Rua Justisa, Dili (30/05).

Artigu 11.º husi lei nu. 9 Hetan nasionalidade liuhosi kazamentu

1. Ema estranjeiru ne’ebé kaben ho Timoroan bele hetan nasionalidade nu’udar Timoroan,
naran husu no data pedidu nian haktuir kondisaun hirak tuirmai:
a) Kaben liu tiha tinan lima nia laran;
b) Hela iha rai-laran hale’u tinan rua nia laran;
c) Hatene ko’alia lian ofisiál ida.

2. Ema estranjeiru ne’ebé kaben ho timoroan sei hetan nasionalidade nu’udar timoroan,
bainhira lakon tiha nia nasionalidade uluk nian tanbakazamentu ne’e.
3.Deklarasaun hodi halo nulidade ka anulasaun ba kazamentu la taka dalan ba
nasionalidade adkirida hosi kónjuge ne’ebé hatada kontra ho boa-fé.


Artigu 12.º : Hetan nasionalidade liuhosi naturalizasaun
1. Ministru Justisa bele fó nasionalidade nu’udar timoroan ba ema estranjeiru ne’ebé husu no data pedidu nian halo tuir kondisaun hirak tuirmai:
a) Tinan boot ona tuir lei timór nian no lei hosi Estadu ne’ebé nia mai;
b) Hela metin no kleur ona iha Timor-Leste hale’u tinan-10 nia laran, molok 7 Dezembru


Kona-ba Servisu Nasional Kadastrus (SNC-sigla portugués) nia dadus, oras ne’e dadaun sistema taka hela, maibe Ministru Justisa kompromete sei resolve iha tempu badak no Ministériu Justisa prontu koopera ho Prezidente RAEOA hodi resolve problemas ne’ebé em relasaun ho distribuisaun Titlu nain ba rai ba Sidadaun sira iha Rejiaun Espesial Oecusse- Ambeno no problemas sira sleuk ne’ebe liga ho servisu Terras e Propriedades nian.

Ministru Justisa Dr. Tiago Amaral Sarmento (liman loos) Konversa ho Prezidnete Autoridade Rejiaun Administrativu Espesial Oe-Cusse-Ambeno Arsenio Bano (liman karuk) hafoin reuniaun formal, Iha Gabinete, Ministru Justisa, Rua Justisa, Dili (30/05).

Aleinde ne'e Ministru Justisa mós apreoveita informa ba Prezidente RAEOA kona-ba Lei Organizasaun Judisiáriu ne'ebé em vigor ona, nune'e sei hari’i tan Tribunal Distrital sira iha Munisípiu hotu iha Timor-Leste no sei hari'i mos Tribunal Supremu Justisa, Administartivu no Fiskal no Kontas (Tribunal Kontas) iha Timor Leste, Tribunal Primeira instansia, iha munisípiu hotu iha Timor-Leste.

30 Maiu 2022
Media_Gabinete_MJ