VISE MINISTRU JUSTISA INSPECTUR GERAL BA SEREMONIA LORON RESTAURASAUN INDEPENDENTE TIMOR LESTE


Lautem, 20/5/2022, Sua Excelensia Vise Ministru Justisa Dr. Jose Edmundo Caetano (Saka Timor) Inspetur Jeral ba Seremonia Loron Restaurasaun Independente Timor Leste, 20 Maiu 2022. Sesta-feira ne’e, iha Postu Administrativu Luro.

Celebrasaun Icar bandeira ne’e, Vise Ministru hanesan inspetur Seremonia hodi Diriji akompaña hosi Prezidenti Autoridade Munisipiu Lautem, Korpu Icar Bandeira resposavel hosi estudantes Eskola Fernando Lasama no PNTL, Coro resposavel hosi Estudantes Eskola Fernando Lasama, Parada kompostu hosi PNTL, Korpo Bombeirus, Seguransa Sivil, Funsionarius, Estudantes, no partisipa hosi komunidade, iklui Organizasaun Arte Marsial iha kampu Postu Administrativu Luro.

Diskursu Vise Ministru Justisa hateten loron Restaurasaun Indenpedensia Timor Leste Importante tebes ba ita hotu iha Timor laran tomak. Nudar sidadaun Timor oan ho konsensia tenke partisispa seremonia ida ne’e, tamba rai ida sai soberanu ida lafasil ba ema hotu, atu halo milagre maibe ne’e unik tebes so povu no asuwain Timor mak bele. Tan ne’e ita presiza apresia situasaun hirak nebe difisil tebes iha tinan naruk nia laran, povu Timor bele hetan Liberdade iha nia rai rasik.

Ho nune’e, liu hosi biban ida, Vise Ministru agredese tebes ba Presidente Autoridade Munsipiu Lautem nebe ho komitmentu halibur komuindade sira hodi selebra festa boot ida ne’e, agradese mos ba Administrador Postu Loru ho komisaun organizadora hodi organiza komunidade Luro tomak mai selebra seremonia ida ne’e.

Agradese mos ba parte seguransa PNTL nebe fo nia kontribuisaun makas hodi asegura eventu boot ne’e. Agradese mos ba parte hotu nebe kolabora ho komisaun organizadora nebe estabelese hodi hala’o nia funsaun ohin loron ita marka presensa iha fatin ida, hodi hatudu ba Timor tomak katak Munisipiu Lautem konsentra iha Postu Administrativu Luro hodi selebra loron espesial ida ne’e.

Ikus liu, Vise Ministru rekomenda ba juventude sira atu hola parte mos ba iha seguransa no kontribui ba paz no estabilidade hodi bele hala’o ita nia dezenvolventu iha ita nia rai laran, Espesial munisipiu Lautem.
Depois de hasae Bandeira Republika Timor Leste (RDTL), Juventude sira aprezenta nodi anima komunidade sira ho dansa kultura, atraksi husi Arte Marsial, Tebe-dahur iha kampu içar Bandeira Luro.

Arcanjo Viana das Neves
Media Gabinete Vice Ministru Justisa