SEKRETÁRIU Estadu Terras Propriedades (SETP), Eldino Rodrigue dos Santos iha loron 20 fulan-Maiu 2022 foin lalais ne’e sai alta entidade ba komemorasaun loron restaurasaun independénsia 20 de Maiu ba da-20 iha Munisípiu Manufahi.
Iha serimonia Icar Bandeira ba komemorasaun loron Restaurasaun Independénsia, 20 de Maiu ba da-20 hala’o iha Luak, Same, Munisípiu Manufahi ne’e, hanesan alta entidade Sekretáriu Estadu Terras Propriedades, Eldino Rodrigue dos Santos lee mós diskursu hosi Prezidente Repúblika nian.
Hafoin icar bandera Repúblika Demokrátika de Timor-Leste (RDTL) Membru Governu ne’e hateten, komemorasaun ba loron restaurasaun independénsia nian ne’e importante tebes ba timoroan hodi komemora, liu-liu ba povu manufahi sira tenki festeza loron nasionál sira ne’e ho di’ak.
Iha komemorasaun loron restaurasaun ne’e SETP entrga mós sertfikadu de apresiasaun ne’ebé prepara hosi administrasaun munisípiu ba iha emposadu sira hanesan lideransa artemarsiais sira iha munisípiu inklui mós veteranus no komunidade sira.
Iha fatin hanesan SETP ho kometiva inklui mós autoridade munisipaís nian sira ba tau mós ai-funan iha Usuário Luak, Same Munisípiu Manufahi.
Iha parte lorokraik, hafoin SETP sai hanesan altda endtidade hodi hatún bandeira, Membru Oitavo Governo ne’e hato’o ninia agradesimentu ba iha Administradór Munisípiu Manufahi ho nia estrutura, inklui mós komunidade sira, tanba munisípiu refere moris iha dame no trankluilidade, la hanesan ho munisípiu sira seluk, tanba ne’e nia husu ba komunidade sira hotu atu bele kontinua kria dame, paz no amizade iha muniseipiu refere.

Hanesan membru Governu, Eldino hato’o mós ninia agradesimentu no apresiasaun ba iha Administradór Munisípiu, Komandante PNTL no Komandante F-FDTL Munisípiu Manufahi inklui mós autoridade komunitária no komunidade sira tanba tuir nia, ne’e hanesan ondra boot ida hodi bele sai alta entidade iha fatin istóriku, no sagradu iha parke Dom Boaventura nian.
Nia salienta mós, ninia prezensa no prontidaun iha komemorasaun restaurasaun independénsia ba da-20 hahú hosi icar badeira to’o arear bandeira tanba hakarak akompaña no festeza durante loron tomak hodi bele apresia ondra boot luta na’in sira nian, tanba balu sakrifika sira nia-án hodi luta ba libertasaun rai ida ne’e nian.

“Ohin ita selebra restaurasaun independénsia ba da-20. Luta ida iha tempu naruk no tinan barak nia laran, tanba ne’e ita presiza loron ida deit hodi selebra nusá labele, bainhira ita hamutuk loron ida deit mak labele hanesan mós ita laiha sentidu patriotizmu no nasionalizmu, tanba ne’e ita tende hatudu ezeplu di’ak ba ita nia jerasaun foun sira hodi bele ba nati tuir, nune’e sira mós bele sente no hatene prosesu liberta patria la fasil”
Nia hateten, munisípiu refere moris iha dame hakmatek no trankulidade, la hanesan ho munisípiu balun ne’ebé sempre mosu konflitu, tanba ne’e lori Governu nia naran, nia parte husu ba autoridade no komunidade sira iha munisípiu manufahi bele sai ezemplu ne’ebé di’ak ba oin, liu-liu sai ezemplu ne’ebé diak ba munisípiu balun ne’ebé sempre mosu konflitu.

“Ha’u husu ba komunidade sira tomak iha munisípiu Manufahi bele hatudu nafatin unidade no paz, hodi dezenvolve ita nia nasaun Timor-Leste, espesiál Munisípiu Manufahi,” dehan Eldino
Hanesan uma-nain, Administradór Munisípiu Manufahi, Arantes Isac Sarmento hato’o mós ninia agradesimentu ba iha SETP ho ekipa ne’ebé mak bele sai alta entidade iha komemorasaun loron restaurasaun independénsia ba da-20 iha Same Munisípiu Manufahi hodi hein to’o parte hatún bandeira. Ne’e hanesan pela primeira vez alta entidade prezensa hosi dadeer to’o hatu’un bandeira iha lorokraik.

Serimónia icar bandeira ne’e rasik hetan partisipasaun hosi Sekretáriu Estadu Terras Propriedade (SETP) ho Kometiva, Administradór Munisípiu, Veteranus inklui mós autoridade munisipais nian sira hanesan Falentil-Forsa Defesa Timor-Leste (F-FDTL), Polisia Nasional Timor Leste (PNTL), Funsionáriu publiku inklui Estudante no Grupo Artemarsiais no Grupo Arte Rituais ámbitu Munisípiu Manufahi nian.
Iha tempu hanesan, komunidade inklui mós estudante sira iha Munisípiu Manufahi hatudu sira nia talentu liu hosi dansa tradisionais, no hatudu mós arte sira seluk hosi grupo artemarsiais sira hodi anima no festeza loron komemorasaun independénsia ba da-20.