Diresaun Tomak Ministeriu Justica Aprezenta Programa 100 Dias ba MJ

Dili-Diresaun tomak husi Ministeriu Justisa Kompostu husi Diresaun Nasional Assesoria Juridika e Legislasaun, (DNAJL) Diresaun Nasional Administrasaun Financas (DNAF) Diresaun Nasional Direitus Humanus Cidadania (DNDHC) Diresaun Centru Formasaun Juridico (CFJ) Diresaun Nasional Registo Notariadu (DNRN) Diresaun Nasional Terass e Propriedade (DNTP)Diresaun Nasional Servisu Prisionais e Reinsersaun Social (DNDPRS) apresenta Programa neébe durante 100 dias inplementa ona iha Ministeriu Jusitisa nian laran hodi apresenta ba Ministru Justisa Dionisio Babo Soares no Vice Ministru Ivo Valente hafoin halao Enkontru Extra ordinariu iha Salaun Reuniaun Ministeriu Justisa Terca (07/11)

Tuir Direitur Diresaun Nasional Servisu Prisionais e Reinsersaun Sosial (DNDPRS) Helder Gosme Marcal Belo hateten katak Programa 100 dias husi Diresaun Diresaun Nasional Dos Servisu Prisionais e Reinsercao Social (DNDPRS) mak atu halo rehabilitasaun prizaun Suai tuir palanu sei halo lansamentu primeiru pedra iha fulan ida neé maibe la konsege tamba sei hein deseijaun husi Agensia Dezenvolvimentu Nasional (ADN) mak foin bele halo tenderizasaun ba kompania neébe manan hodi bele kaer obras neé.

“Programa 100 dias ba Diresaun Nasional Dos Servisu Prisionais e Reinsercao Social (DNDPRS) atu halo rehabilitasaun ba prizaun Suai tuir planu sei halo lansamentu primeiru pedra iha fulan ida neé maibe la realize tamba sei hein fali desijaun husi ADN hodi halo tenderizasaun ba kompania neébe mak atu bele kaer obras neé ”Dehan Direitur Prizaun Helder Gosme iha salaun Reiniaun Ministeriu Justica Terca (07/11)

Iha fatin hanesan mos Direitur Nasional Direitus Humanus Cidadania Celito Cardoso mos hatetan katak Planu 100 dias husi Diresaun Nasional Direitus Humanus Cidadania (DNDHC) mak atu apresenta Relatoriu Direitus Humanus ba Zeneva maibe la konsege tamba tempu limitadu,e mos sei halo selebrasaun ba loron Direitus Humanus iha fulan oin tuir planu neébe ami iha.

Pedro Delfim
Gabinete Ministru Justisa
Media Officer