REPÚBLICA DEMOCRÁTICA DE TIMOR-LESTE

DIRETRIS

1 /2006

DIRETRIS No 01/2006/IIGC/VPMMS



Kona ba manutensaun no reparasaun viaturas Ministério Saú­de nian

Ho baze ba:

Dekretu­Lei no13/2006 nebé define funsaun no reponsabilidade Ministério Saúde (MdS);

Dekretu­Lei no10/2005 nebe define Rejime Juridiku Aprovizio­namentu;

Haré tuir konteúdu Sirkular no1/2003, kona ba mekanismu administrativu iha MdS nia laran;

Hau determina, atu uza hanesan baze ba kontratu serbisu manu­tensaun no reparasaun viaturas hotu nebé afetadu ba MdS,

Diretris hanesan tuir mai né:

1. Manutensaun no reparasaun viaturas MdS nian, tenki liu husi prosesu transparente no kompetitivu;

2. Responsabilidade atu halao prosesu kontratasaun, hanesan tuir mai ne:

a. Responsável Lojistika iha unidade servisu hotu iha MdS nia laran (i) define kadernu enkargu ka espesifikasaun

manutensaun eh sasan nebe a'at iha viatura, ho baze ba informasaun nebe utilizadores viatura nian fo; (ii) fo sai

pedidu ba kotasaun, minimu ba ofisina 3 (tolu) ; (iii) lidera avaliasaun ba kotasaun nebe ofisina sira ható; (iv) propoin

ba Diretor Nasional, Diretor­Jeral, Diretor seluk eh Xefe Servisu Saude Distrital, ofisina nebé bele manan kontratu;

(v) monitoriza manutensaun eh repa­rasaun, hodi garante katak, serbisu nebé halao iha kua­lidade diak.

b. Wainhira valor orsamentu manutensaun eh reparasaun bo'ot liu US$5000 (sinku mil dolares amerikanus) tenki iha

autorizasaun husi Sekretariu Permanente MdS.



c. Utilizadores viatura hotu iha MdS nia laran, tenki define lolós sa ida mak a'at. Hafoin hadia tiha, tenki fo fali in­

formasaun ba Responsavel Lojistika kona ba rezultadu manutensaun eh reparasaun, diak duni ka lae.

3. Kadernu enkargu ka espesifikasaun sasan nebe presiza atu hadia, tenki define/ka husu, husi konkorentes sira, informa­

saun hirak tuir mai ne:

a. Sa ida mak a'at;

b. Hadia ka? Troka pesa? Se troka karik pesa, pesa nia kua­lidade oin sa (original? Kualidade no1? etc)

c. Hadia lori tempu hira? (loron? oras?)

d. Garantia iha ka lae? Se iha, durante fulan hira?

4. Pedidu kotasaun nebé fo sai ba ofisina sira tenki:

a. Fo informasaun ba, no husu informasaun husi ofisina (tuir pontu 3 iha leten), hafoin husu ofisina hirak né, atu halo

kotasaun ba presu, tempu nebé sei lori atu halo hotu manutensaun eh reparasaun, no mós fo garantia kona ba

manutensaun eh reparasaun nebé halo.

b. Hetan reposta iha 48 horas nia laran.

5. Avaliasaun ba kotasaun tenki halo hahú kedas iha horas, nebé sai prazu limite ba entrega kotasaun, minimu ema nain

tolu mak halo, tuir kriteriu hanesan:

a. Wainhira la responde ba informasaun nebé husu iha ka­dernu enkargu tenki deskualifikadu kedas;

b. Kotasaun ida­idak tenki hetan avaliasaun kona ba, pri­meiru kualidade serbisu, tempu sebisu, iha garantia ka lae, ikus

liu mak foin haré ba presu;

c. Ofisina nebé hetan rekomendasaun atu manan kontratu, tenki ofisina nebe oferese serbisu manutensaun eh

reparasaun ho kualidade diak liu (ne signifika: pesa ho kualidade diak liu, hadia iha tempu badak liu, no iha garantia

kona ba nia serbisu), no presu nebe baratu liu.

6. Proposta kona ba ofisina nebe atu manan kontratu tenki:

a. Iha justifikasuan klaru tan sá ofisina ida hetan rekomen­dasaun atu manan kontratu;

b. Iha asinatura husi Responsavel Lojistika, no ema nain rua seluk nebe partisipa iha avaliasaun;

c. Ható ba Diretor Nasional, Diretor­Jeral, Diretor seluk eh Xefe Servisu Saude Distrital atu aprova ;

7. Hetan tiha aprovasaun, Responsavel Lojistika fo sai Ordem Servisu ba ofisina atu halao servisu.



8. Hafoin lori ordem servisu no viatura ba ofisina nebé manan kontratu, Responsavel Lojistika tenki:

a. Verifika se ordem servisu nebé fo sai, tuir lolós ona rea­lidade viatura nian, ka presiza halo mudansa. Ezemplu: iha

ofisina, mekaniku sira haré tiha viatura, keta iha buat balun mak la a'at karik, ou keta barak liu mak a'at, no presiza

mudansa iha ordem servisu. Mudansa né tenke hetan uluk aprovasaun husi autoridade kompetente nebe define iha

pontu 6.c) iha leten, molok atu bele halao serbisu ba oin.

b. Husu relatoriu manutensaun eh reparasaun ba ofisina, nebé tenki inklui mós mudansa ruma nebé halao ba ordem

servisu hanesan iha pontu 8.a) iha leten.

9. Hafoin simu tiha viatura nebé hadia ona, Responsavel Lo­jistika tenki verifika se relatóriu reparasaun no fatura/ko­

bransa husi ofisina, hanesan duni ho ordem servisu no ka­dernu enkargu ka lae? Wainhira los hotu ona, bele rekomen­da

ba Departamentu Finansas, iha MdS, atu prosesa paga­mentu. Wainhira iha karik autorizasaun husi Departamentu

Finansas MdS, bele mos selu liu husi fundu adiantamentu.

10. Buat ruma nebé la define iha Diretris ida ne, no sai hanesan pontu ba duvida ruma karik, bele konsulta diretamente ho

Diretor Nasional DNAFLA.

11. Diretris ida ne la aplika ba viatura hirak nebé PMU sira uza, no la iha xapa matrikula governu nian.

12. Diretris ida ne invalida ona Diretris no1/2005, nebé fo sai iha 14 Novembru 2005, no Diretris ida né, hahú vigora iha 15

Setembru 2006.

Dili, 11 Setembru 2006

Dr. Rui Maria de Araújo

Vise­Primeiru­Ministru i Ministru Saude