REPÚBLICA DEMOCRÁTICA DE TIMOR-LESTE

REPÚBLICA DEMOCRÁTICA DE TIMOR-LESTE

Relatóriu

2011

Rezultadu Audit Orsamentu Partidu sira Anu Fiskál 2010 ne'ebé hetan Apresiasaun no Aprovasaun iha Plenária CNE Loron, 11 fulan-Maiu 2011



I. INTRODUSAUN





Anu Fiskál 2009, IV Governu Konstitusionál aloka orsamentu ho kuantia dolar amerikanu, millaun ida, ne'ebé integradu iha orsamentu CNE nian (liña subvensaun públika), ba Partidu Polítiku sira mak iha asentu parlamentár.



Lei nú. 3/2004 kona-ba Partidu Polítiku sira no Lei nú. 6/2008, kona-ba Regime Jurídico do financiamento dos Partidos Políticos, hatur prinsípiu sira kona-ba kontabilidade ne'ebé Partidu Polítiku sira tenki halo tuir no aprezenta kontas ordinariamente ba CNE.



Ba ámbitu implementasaun Lei nú. 6/2008 ne'e, CNE hasai ninia resolução nú. 3/2008, Arrecadação, Aplicação de Recursos e Prestação de Contas dos Partidos Politicos, hodi hatuur prosedimentu tékniku kona-ba aprezentasaun kontas Partidu Polítiku ba CNE. Hodi nune'e, Lei nú. 6/2008, liu hosi artigu 13.2, hatuur katak CNE ho apoiu tékniku hosi auditór (kontratadu) sira sei halo apresiasaun no validasaun ba kontas Partidu Polítiku sira. Ekipa auditoria konklui rezultadu audit ba iha plenária CNE loron 23 fulan-Marsu 2011 atu hetan aprovasaun. Partidu 10 mak hetan rezultadu aprovasaun.



A. BAZE LEGÁL SIRA



Auditór sira sei hala’o sira nia funsaun bazeia ba Kontratu Servisu Auditoria nian hosi CNE, 2 fulan-Fevereiru 2011 no rezultadu sira sei bazeia ba baze legál sira hanesan tuirmai ne'e:



1. Konstituisaun RDTL;



2. Lei Nú. 5/2006 kona-ba Orgaun Eleitoral Sira;



3. Lei Nú. 3/2004, 14 fulan-Abril 2004 kona-ba Partidu Polítiku sira;



4. Lei Nú. 6/2008, 16 fulan-Abril 2008 kona-ba Rejimi jurídiku finansiamentu partidu polítiku sira;



5. Rezolusaun CNE Nú. 3/2008, Regulamentu kona-ba Arrekadasaun, Aplikasaun Rekursu no Prestasaun Konta Partidu Polítiku sira;



6. Guia ba Auditór : Ezame tékniku Prestasaun Konta sira;



B. OBJETIVU SIRA



a) Jerál :



Atu hatene orsamentu Subvensaun Públika husi partidu polítiku sira utiliza tuir lei no regras ne'ebé estabelese.



b) Espesífiku:



1. Atu verifika tenikamente lala'ok tranzasaun sira bazeia ba kontabilidade jerál nian;



2. Atu analiza fontes sira, gastus no patrimóniu sira tuir lei sira;



3. Atu afirma kona-ba kuantia hotu ne'ebé akontese durante tempu hirak ne'e;



4. Atu buka tuir evidénsia kona-ba reseita no gastu sira, ne'ebé fó sai ona iha relatóriu finansa ho totál ne'ebé pontuál.



5. Atu buka tuir faktu sira kona-ba reseita no gastus sira no saldo ne'ebé koherénsia.



C. AVALIASAUN TÉKNIKA BA KONTAS PARTIDU POLÍTIKU SIRA BAZEIA BA SASUKAT SIRA



Atu fasilita avaliasaun téknika ba kontas partidu polítiku sira ne'ebé bazeia ba sasukat sanulu resin ida (11), hatuur mós valor sira ne'ebé klasifika hanesan tuir mai ne'e : Diak Liu (100 – 85), Diak (84 - 70), Sufisiente (69 - 50) no La-diak (49 - 10). Iha rezultadu avaliasaun hatudu mós sinal Ö no Ö-. Sinal Ö signifika partidu sira prenxe ona sasukat hirak ne'e; Sinal Ö- signifika partidu sira prenxe ona sasukat hirak ne'e maibe prenxe balun seidauk los ou dokumentu balun la-kompletu. Avaliasaun téknika ba kontas partidu idaidak tuir sasukat sanulu resin ida (11) mak hanesan tuir mai ne'e:











































II. OBSERVASAUN JERÁL



Em jerál partidu sira demonstra kooperasaun diak entre CNE no auditór sira durante prosesu tomak hodi hatama sira nia relatóriu ezekusaun orsamentu partidu bazeia ba fonte subvensaun públika iha anu fiskál 2010. Husi prosesu ida-ne'e, partidu ida-idak nota katak ho sira nia esforsu tomak no bontade diak hatama sira nia relatóriu mezmuke enfreta obstáklu no dezafiu oioin, hanesan resibu komersiál sira. Ho ida-ne'e mós, partidu sira hatudu dezempeñu diak durante hato’o sira nia relatóriu mai CNE husi tinan fiskal sira liu ba ne'e. Mezmuke iha relatóriu, partidu sira hato’o nafatin katak sei hadia nafatin pontu balun ne'ebé seidauk diak iha futuru oin mai.



a. VANTANJEN



Em jerál partidu prenxe hotu sasukat sanulu resin ida (11) ka barrometer sira ne'ebé lei hatuur tiha ona hanesan konta bankaria, organizasaun kontabilístika, analiza reseita no despeza sira, transparénsia movimentu osan, rekonsiliasaun entre nota bankaria no kaixa partidu, informasaun kona-ba patrimóniu, ezisténsia sede partidu no dever kolaborasaun.



b. DESVANTAJEN



• Erru ne'ebé ekipa auditoria hetan husi partidu kuaze atu hanesan ho rezultadu audit dahuluk, mak hanesan resibu komérsiu balun laiha, kalkulasaun valór hosi resibu partidu nian ho totál osan ne'ebé sai hosi kaixa la hanesan. ne'e hatudu katak rekomendasaun sira ne'ebé ekipa hato’o laiha mudansa liliu ekipa fiskalizasaun iha partidu tenki avalia uluk relatóriu ne'e molok hato’o mai CNE.



• Rekolla resibu komérsiu hosi membru partidu difisil uitoan tanba membru partidu sira hala’o atividade barak iha área rural sira.



• Viajen (ba rai laran ka rai liur) tenki esplika detalla kona-ba utilizasaun osan (per diem, transporte no akomodasaun).



• Koloka reseita ou despeza la tuir verba sira ne'ebé hatuur tiha ona no resibu balun koloka la tuir data tranzasaun.



• Ladún organiza relatóriu partidu ho diak, tanba Partidu KOTA seidauk prenxe relatóriu ne'e ho diak no formuláriu prestasaun kontas barak mamuk hela no utilizasaun orsamentu iha partidu la’o maibé jere dokumentu ka resibu sira ne'e seidauk diak.



• Pesoál finansa mos la komprende kona-ba kontabilidade bázika.



• Movimentu osan husi banku la hakerek klaru iha journál kaixa



c. REKOMENDASAUN



i. Atu fasilita sistema kontrola ezekusaun orsamentu ne'ebé diak no tuir padraun kontabilidade nian, diak liu haketak Subvensaun Públika ho fontes sira seluk.



ii. Komisaun Fiskalizasaun partidu tenki avalia relatóriu hirak ne'e molok hato’o mai CNE tanba resibu barak liuliu resibu kombustível laiha.



iii. Partidu iha obrigasaun atu organiza sira nia resibu ho diak tanba resibu komérsiu balun la justifika montante osan ezekutadu.



iv. Partidu iha obrigasaun atu utiliza formuláriu prestasaun kontas ne'ebé CNE prepara atu hodi uniformiza modelu aprezentasaun kontas no fasilita servisu auditoria.



v. Ami husu ba teizoureiru/a atu rekolla resibu sira wainhira membru partidu hala’o atividade iha distritu ka sub-distritu sira, tenki iha relatóriu utilizasaun orsamentu.



vi. Patrimóniu partidu tenki haketak hosi patrimóniu privadu, tanba patrimoniu partidu ne'e osan partidu nian hodi hola ekipamentu sira.



Entrada em vigor



Dili, 11 fulan-Maiu 2011







CNE – Comissão Nacional de Eleição





1. DR. Faustino Cardoso, M.Si :__________________



2. Alcino de Araujo Baris, SH, M.Si :__________________



3. Joana Maria Dulce Vitor :__________________



4. Maria Angelina Lopes Sarmento, Lic.Agrn :_____________



5. Drs. José Agostinho da Costa Belo :__________________



6. Silvester Xavier Sufa, SE. :__________________



7. Dr. Lucas de Sousa :___________________



8. Teresinha Maria Noronha Cardoso,A. Mc :___________



9. Tome Xavier Jeronimo, SH :___________________



10. Duarte Tilman Soares, SH :___________________



11. Vicente Fernandes e Brito, SH :___________________



12. Sergio de Jesus F. da Costa Hornai,SH :___________



13. Pe. Martinho G. da Silva Gusmão, Lic.Phil :__________



14. Arif Abdullah Sagran,M.Si :___________________



15.Manuela Leong :____________________________































Aprovado Pelo



1. Faustino Cardoso Gomes ___________________



2. Alcino Araújo Barris ______________________



3. Joana Maria Dulce Vitor____________________



4. Maria Angelina Lopes Sarmento______________



5. José Agustinho da Costa Belo _______________



6. Silvestre Xavier Sufa ______________________



7. Lucas de Sousa__________________________



8. Teresinha Maria Noronha Cardoso____________



9. Tomé Xavier Jerónimo __________________



10. Duarte Tilman Soares __________________



11. Vicente Fernandes e Brito __________________



12. Sérgio de Jesus F. da Costa Hornai ___________



13. Pe. Martinho Germano da Silva Gusmão _______



14. Arif Abdullah Sagran __________________



15.Manuela Leong Pereira __________________