REPÚBLICA DEMOCRÁTICA DE TIMOR-LESTE

REPÚBLICA DEMOCRÁTICA DE TIMOR-LESTE

Diploma Ministerial

17/GM/MAP/01/2012

kona ba hatun ga transfere ikan husi roo peska ida ba roo seluk iha tasi klaran





MINISTERO AGRIKULTURA E PESKAS TIMOR - LESTE



Tetu didiak : Hare ba kondisaun real Armada Peskas iha Timor Leste nebe la dauk iha kondisaun nebe diak atu halao aktividades peska no tula ikan rejultadu peska iha tasi klean area territorial Timor Leste, tamba nee maka persija kria diploma Ministerial ida atu bele sai hanesan alternative juridiku special husi lei numeiro 6/2004 Artigu 62- 63 kona ba bandu atu halo transbordu ikan iha tasi klaran, atu nu nee husi diploma ida nee bele fasilita hodi halo transbordu espesifiku.



Hare ba :



1. Lei organiku Ministero Agrikultura e Peskas numeiro 18/2008 artigu 19 kona ba servisu no responsavelidade Direktorat Nasional Peskas.



2. Lei no.6 tinan 2004 Artigu 19 kona ba aktividades hatun ga transfere ikan iha tasi klaran



Hakotu no



Hatur : Diploma Ministro Agrikultura e Peskas Timor Leste kona ba hatun ga transfere ikan husi roo peska ida ba roo seluk iha tasi klaran.



Artigu 1



Direktorat Nasional Peskas Timor Leste bele fo licenca ba Impreza Nasional no Internasional nebe iha interece atu investe iha area peskas no iha armada no fasilidade atu halo aktividades maka hanesan :

a. Peska no tula ikan rejultadu peska



b. Roo sira nebe peska bele muda sira nia ikan ba roo nebe tula ikan iha tasi klaran teritorio Timor Leste



c. Roo sira nebe distinadu ba tula ikan bele simu ikan husi roo peska iha tasi klran teritorio Timor Leste



d. Roo tula ikan bele mos tula no halo distribuisaun logistiku ba roo peska nebe halao hela aktividades peska iha tasi klaran teritorio Timor Leste.



Artigu 2



Roo armada peska ikan husi Nasional no Internasional nebe hetan ona licenca atu bele halao aktividades peska iha Teritorio Timor Leste, husi Ministeri da Agrikultura e Peskas Timor Leste, bele halao aktividades hirak maka hanesan :



a. Peska ikan no tula ga bele transfere ikan hirak nebe sira peska ba roo nebe halao aktividades tula ikan rejultadu peska iha tasi klaran teritotrio Timor Leste



b. Bele simu distribuisaun logistiku nebe iha relasaun ho aktividades peska durante halao aktividades peska iha tasi klaran area teritorio Timor Leste husi roo tula ikan nebe iha nain ida deit ga impreza ida deit.



Artigu 3



Roo armada peskas ho bandeira Nasional ga Internasional nebe hetan ona licensa husi Ministero Agrikultura e Peskas Timor Leste atu tula ikan husi roo peska, bele halao aktividades hirak maka tuir mai nee :



a. Tula ikan no simu transfere ikan husi roo peska iha tasi klaran area teritorio Timor Leste



b. Halo Distribuisaun logistiku nebe iha relasaun necesario aktividades peska nebe halao husi roo peska nebe impreza ida deit ho roo tula ikan nebe refere nebe halao hela aktividades peska iha tasi klaran area terotorio Timor Leste



Artigu 4



Roo sira nebe tula ikan so bele simu deit transfere ikan iha tasi klaran husi roo peska nebe hetan ona licensa peska husi Ministero da Agrikultura e Peskas Timor leste



Artigu 5



Roo sira nebe peska ikan so bele deit tranfere sira nia ikan iha tasi klaran ba roo sira nebe tula ikan nebe hetan ona licensa husi Ministero da Agrikultura e Peskas atu bele simu transfere ikan no tula iha tasi klaran



Artigu 6



Roo sira nebe halao aktividades tula ikan iha tasi klaran wainhira halo ona transfere ikan maka tenke fila hikas mai iha Portu nebe estabelese ona husi Guvernu Timor Leste atu tuir prosesu administrasaun eksportasaun ikan nebe estabelese tuir lei Timor Leste

Artigu 7



Roo peska no roo tula ikan ho bandeira Nasaun Estrangeiros nebe iha ona licensa operasaun peska no tula ikan rejultadu peska iha tasi klaran tenke uja Bandeira Nasional Timor Leste no bandeira nasaun origin wainhira halao aktividades iha teritorio Timor Leste no mos halao aktividades eksportasaun ikan ba nasaun-nasaun destinadu



Artigu 8



Roo tula ikan nebe halao aktividades simu transfere ikan husi roo peska iha tasi klaran tenke iha mos official husi Direktorat Nasional Peskas Timor Leste atu halao observasaun



Artigu 9



Roo sira tula ikan nebe halao hotu ona sira nia obrigasaun administrative husi ekipa Portu Nasional Timor Leste nebe estabelecidu ona, maka roo hirak nee bele ona eksporta ikan ba Nasaun-Nasaun destinadu.



Artigu 10



Diploma Ministerial ida nee sei hahu implementa tuir data assina husi Ministro Agrikultura e Peskas Timor Leste.



Dili Loron 14 Fulan 05 Tinan 2012







Ministro Agrikultura e Peskas Timor Leste







Mariano Assanami Sabimo