Ministeriu Justisa distribui livru Kódigu Prosesu Penál no Kódigu Penál ba autór ba Leis

Ministeriu Justisa liu hosi Ministra Justisa, Dra. Lucia M.B.F. Lobato ho Vise Ministru Justisa, Dr. Ivo Jorge Valente halo distribuisaun livru ba autor ba leis iha Centro Formação Judiciál Caicoli Dili, 3 setembru 2010.

Iha programa distritbuisaun ne’e Ministra Justisa, ho ninia vise foun ne’e distritbui livru oin tolu mak Kódigu Penál, Kódigu Prosesu Penál no Konstituisaun RDTL ne’ebé durante ne’e Ministériu Justisa liuhosi Direcção Nacional dos Direitos Humanos e de Cidadania produz, hodi distribui ba autór ba lei, estudante universidade fakuldade Direitu no komunidade ne’ebé presiza.

Distribuisaun livru ne’e ofisialmente Ministra Justisa ho Vise Ministru Justisa entrega ba instituisaun sira ne’ebé nu’udár implemetadór lei hanesan Ministériu Públiku, Tribunál, PNTL, PDHJ, JSMP, A-HAK no Universidade sira ne’ebé iha fakuldade direitu.

Objetivu hosi distribuisaun livru ne’e atu autor tribunais, PNTL no ONG sira ne’ebé servisu iha area Lei bele utilize ita nia lei rasik ne’ebé iha.




João MP. da Costa
DNDHC