MJ Kria Enkontru Ho Komunidade Ai-tarak Laran

Ema Ne’ebé Fa’an Rai Estadu Sei Hetan Sansaun

MINISTRA Justisa, Lúcia Lobato Kinta (2/9) foin lalais ne’e hala’o enkontru ho komunidade iha ai tarak laran hodi koalia konabá kompenizasaun ne’ebé sei fo ba komunidade sira iha tempu badak.

Iha enkontru ne’eb’e partisipa mos husi Diretor Nasional Terras Propriedade no Servisu Kadastrais (DNTPSC) Ministra Justisa Lúcia Lobato husu ba komunidade sira atu tau atensaun ba buat ne’ebé estadu nian ne’e estadu nian no buat ne’ebé povu nian ne’e povu nian.

Ho ida ne’e tuir Ministra, komunidade ne’ebé fan rai estadu ba komunidade seluk wainhira lei rai nian sai iha 2011 mai sira sei hetan sansaun e dalaruma mos sira sei hetan pena prizaun.
Nunue’e mos ba sira ne’ebé sosa rai hosi ema sira ne’ebé lalos rai nain ka sira ne’ebé uza oportunidade hodi faan ema nia rai, sira ne’ebé sosa sei lakon no sei la hetan buat ida. Tanba estadu sei la reenbolsu sira nia osan ne’ebé sira sosa, dehan Lúcia.

Liu hosi enkontru ne’ebé hala’o iha sala reuniaun diresaun nasional terras propriedade e servisu kadastrais ne’e, ministra hateten, ba komunidade sira ne’ebé mak durante ne’e hela iha ai tarak laran governu sei buka solusaun atu sira labele hela iha ai hún ka mota laran.

Tanba sei iha relasaun ba kompenizasaun ne’ebé governu atu fob a komunidade sira. Nune’e ministra mos husu ba sira ne’ebé hela iha fatin refere iha tempu naruk nia laran tenki iha dokumentus legal ruma antes governu atu fo kompenizasaun.

Oras ne’e dadaun iha ai tarak laran tuir ministra, governu identifika ona uma walu (8) hopdi hetan kompenizasaun ba etapa dahuluk.

Rai ne’ebé governu presizaiha ai tarak laran tuir ministra sei halo konstrusaun ba uma tolu (3) mak hanesan uma ba Sentru Kultural, biblioteka nasional perpustakaan Negara no seluk tan.

Nune’e Primeiru Ministru Ezize ba Ministeiru Justisa atu bele resolve lalais assuntu refere tanba fatin ne’ebé governu identifika tenki hamamuk iha 2011 tinan mai.

“Osan lalos hau nian ka MInisteriu justisa nian maibe osan ne’ebé atu fo kompenizasaun ne’e osan povu nian.” Ministra hateten

Osan ne’ebé atu fo kompenizaaun ba etapa dahuluk tuir ministra sei entrega uluk ba uma walu (8) hafoin iha etapa tuir mai. Maibe ba uma kain sira seluk mos tenki prepara aan tanba antes 2012 tenki hamamuk ona ai tarak laran.

Konaba hela fatin ne’ebé komunidade sira okupa iha tinan kleur nia laran maibé la iha dokumentrus komunidade sira hateten, komunidade sira ne’eb’e hela iha ai tarak laran balun hahú iha 1976 no balu iha 1983 maibe barak mak la iha dokumentus.

Iha fatin hanesan komunidade sira mos husu atu hasai sira hosi fatin ne’ebá tenki hasai dala ida deit, tanba sira lakohi atu hela fahe malu iha baieru foun.*


Ananias Babo Horta
Media Officer Ministeriu Justisa