PM-MJ fo Posse ba KDL Timor Leste

MJ: Ema Hotu Tenki Kongratula

PRIMEIRU Ministru (PM) Kay Rala Xanana Gusmao ho Ministra da Justisa, Lúcia Maria Brandão Freitas Lobato Tersa (22/9) foin lalais ne’e fo tomada de posse ba Adagiza Maria Soares Ximenes nudár Komissariu Direitu Labarik (KDL) Timor Leste (TL) Iha Edifisiu Palacio do Governu Dili.

Iha seremonia tomada de posse ba komissariu labarik nian ne’e hetan partisipasaun maximu hosi membru do IV Governu Constitusional Timor Leste, inklui mos reprezentante serkretariu jerál nasoens unidas iha Timor Leste, Atul Khare, Country Director of UNICEF no UNIFEM inklui mos embaixadores no Diretores sira hosi Ministeiru da Justisa.

PM Xanana iha nia deskursu hateten, kriasaun komisario Nasional ba direitu labarik sira nian, sinal ne’ebé diak nudár estadu, atu promove direitus labarik sira nian no mos atu reflekte tuir programa nasional governu nian atu hadia kualidade ensinu baziku.


Ho pose komisariu KNDL, tuir PM Xanana to’o ona ba iha rezultadu husi komprimisiu Ministeriu Justisa nian, maibe ne,e bele dehan atu hahú servisu foun. Tanba ne’e, PM Xanana apresia tebes ba Komisaria nia paixaun atu assume knár refere.

“Knár ne’e todan, maibe ho ita bo’ot nia espierensia, sei proteje direitu labarik nian,” Dehan Xanana.

Iha sermomia tomada de posse ne’e PM Xanana Gusmao husu ba entidade tomak atu fo apoi maximu ba komisariu refere.

Iha fatin hanesan Ministra Justisa, Lúcia Maria Brandão Freitas Lobato hato’o mos nia kongratula ba komisaria direitu labarik nian ne’ebé foin hetan posse hosi PM.

“Hau sinte ema hotu tenki kongratula komisariu ba direitu labarik nian tanba governu laran ksolok bele hetan komisaria ne’ebé ho integridade no iha kapsaidade ho koinesimentu atu ba oin promove direitu labarik sira nian.” Dehan Ministra Lúcia.

Tuir Ministra Justisa, total populasaun Timor Leste present 40 (40%) mak labarik.

Nune’e nomeasaun Komisariu ba direitu labarik nian refere bele ajuda kontribui ho kapasidade ne’ebé komisaria rasik iha atu bele proteze no promove direitus labarik TL nian diak liutan.

Tan ne’e Ministra Justisa mos husu atu ema hotu fo sira nia apoiu maximu ba komisariu labarik nian.

Nune’e dudár Komisariu ba Komisaun Nasional Direitu Labarik nian Adalgiza Ximenes hateten, Komisaria ba Komisaun Nasional Direitu Labarik nian ne’e iha loron 1 fulan Outobru oin mai mak sei hala’o nia knár hodi haree oinsa mak bele halo planu ida iha mediu prazu no koltu prazu.

Tuir nia importante liu mak nia iha ona dokumentus balu konaba labarik nian, ho ida ne’e nia bele estuda fali hirak ne’ebé iha perioridade liu. Dehan Ximenes.

Nia prontu atu halao servisu ne’e, tanba labarik sira presiza fo atensaun maka’as ba sira. Tanba ne’e pasu importante mak tenki halao koordenasaun liu hosi servisu hamutuk entre govenu ho UNICEF, sosiedade sivil, relijiojas no sira seluk tan, dehan Ximenes.

Nune’e Country Director UNICEF ho partisipantes sira ne’ebé mak partisipa iha sermonia refere hato’o mos sira nia kongratulasaun ba komissaria Nasional ne’ebé derije hosi Adalgiza Ximenes.

Country Director ne’e mos hateten, depois de Timor Leste hetan independesia iha 2002 partisipasaun labarik Timor Leste iha susesu ne’ebé bo’ot.



Ananias Babo Horta
Media Officer Ministerio da Justisa.
No Kontaktu : (670) 7348624
Por Ananias Babo Horta