Orientasaun Konvensaun Direitu Labarik (KDL) guvernantes, pratikante media sira, ONG sira, reprezentante juventude no instituisaun relijiozas iha Distrito Viqueque

Orientasaun konvensaun direitu labarik (KDL) nebé Ministério da Justiça kopera ho Nasoes Unidas liu husi Unicef Timor Leste, hodi halao workshop loron ida kona-ba Konvensaun Direito Labaraik (KDL) iha salaun Aministrasaun Distrito Viqueque,Kinta feira, dia (23/06/09).

Workshop neébe refere halao ba partisipantes nain 61 inklui, Administrador Sub-Distrito nai hat no reprezente PNTL.Fasilitador ba workshop ida neé mai husi Ministério Justiça,Sr.Helder Goudinho,Gil Danilo,Juvinal da Purificação no husi Unicef,Sr. Antonio Gomes no Indra.

Materia nebe hato'o mak; Refleksaun ba labarik hato'o husi Sr.Antonio Gomes husi Unicef,Konvensaun Direitu Labarik,hato'o husi Sr.Helder Godinho Direção Nacional de Direito Humanus e Cidadania depois aprezentasaun hotu ikus mai halo diskusaun konaba materia nebe hato'o husi fasilitador sira no halo plano ba aktividades komemorasaun loron direitu labarik nian iha 20 de Novembru 2009, husi workshop neé partisipantes sira hetan mos livros nebe fahe husi DNDHC hanesan; Constituição RDTL.

Workshop ho tema "Orientasaun KDL ba governantes, pratikante media, Juventude, Insttituição Relijioza no ONG." neé ho nia objektivo :

Hasa’e koñesimentu guvernantes, pratikante media sira, ONG sira, reprezentante juventude no instituisaun relijiozas sira kona ba KDL.

Integra no implementa valor KDL tuir profesionalismu ida-idak nian iha area edukasaun, saúde, saneamentu, protesaun no seguransa no informasaun/media.

Habelar no promove KDL iha servisu-fatin no komunidade tuir knaar no responsabilidade ida-idak nian, liu husi soru mutu, orientasaun no diseminasaun informasaun no selebrasaun loron espesial kona-ba direitu labarik nian no eventu sira seluk Habelar no Promove KDL iha serviso fatin no Komunidade tuir knar no Responsabilidade liu husi soru mutu orientasaun no dezeminasaun Informasaun no Selebrasaun Loron Special kona-ba Direitu Labarik nian no eventu sira seluk.

Hodi nune wain hira governu Distrital foti dezisaun ruma tenke atensaun ba direito labarik nian. Partisipantes neébe partisipa iha workshop neé atu bele habelar liu tan informasaun ba komunidade iha baze atu nune ema hotu bele fo protesaun ba Direitu Labarik nian neébe partisipantes sira hetan durante iha orientasaun ida neé.

Orentasaun KDL ida ne’e sei kontinua halo iha Distrito Ermera iha loron 15 Julhu 2009 Fulan oin mai.

DNDHC.