Ministru Justisa, Dr. Manuel Cárceres da Costa, Tersa-feira (24/07/2018) semana ne'e halo sorumutu ho Konsellu Superior Defensoria Publiku-Jeral sobre nomieasaun Defensor Publiku-Jeral foun.
Objetivu enkontru ne'e atu konsulta no rona hanoin no pareser sira husi membru konsellu superior defensória Publiku–Jeral sira nian sobre nomeiasaun ba DPJ foun ne'e.
Bazeia ba dekretu lei no.10/2017 de 29 Marsu nian, artigu 32, iha numeru 2. Kolia konaba Ministru Justisa atu hili ou nomeia naran pessoal ruma hodi subtitui kargu Defensoria Publiku-Jeral, tenke rona uluk konselllu hosi membru Konsellu Superior Defensória Publiku-Jeral sira.

Iha soru mutu rona opinoens ne'e, maioria membru Konsellu Superior husu atu nomeiasaun lista kandidatura Defensória Publiku-Jeral mai husi internal, nomós ho esperensia ne'ebé as iha areia Defensoria Publiku, nomós prence rekezitus legais seluk ne'ebé iha. Maske nune'e konsellu superior defensória sira mós rekoñese katak nomeisaun lista kandidatu ba Defensor Publiku-Jeral ne'e, absolutamente kompetensia S.E. Ministru Justisa nian, bazeia ba dekretu lei no.10/2017 fulan 29 Marsu nian.
Defensória Publiku-Jeral nomeia husi husi Primeiru Ministru liuhusi sub proposta husi Ministru Justisa, bazeia ba norma legal sira, hafoin rona konsellu husi membru Konsellu Superior defensória Publiku-Jeral sira.

Aleinde kolia sobre nomeiasaun lista kandidatu ba Defensória Publiku–Jeral, kolia mós sobre, nomeiasaun Defensória Publiku–Jeral Adjuntu no nomeiasaun ba Inspetor Jeral ba defensória Publiku.

Enkontru ne'ebé hala'o iha oras tuk 5;30 otl ne'e, partisipa husi membru Konsellu Superior Defensor Publiku hotu, mak hanesan :
1. Sergio de Jesus Hornai Defensor Publiku-Jeral,
2. Domingos Pinto, Membru Konsellu Defensor Publiku-Jeral
3. Manuel F. Exposto, Defensor Publiku
4. Gregório de Lima, Defensor Publiku
5. Sergio P. Dias Quintas, Defensor Publiku
6. Calisto Ton, Defensor Publiku
7. Manuel Sarmento, Defensor Publiku
8. Estevão Couto, Defensor Publiku
9. Tome C. Jeronimo, Membru Konsellu Defensoria Publiku,
Sorumutu ne'e partsipa mós husi xefe Gabinete Ministru Justisa, Dr. Tomas Aquino M. Correia, no assesor Juridico sira.

25 Jullu 2018