Porgrama formasaun no kapasitasaun ba membro PNTL kona-ba lei, justisa no direitos humanos, ne’ebé relevante tebes hó knaar / servisu PNTL nian rasik ne’e realiza mós iha Distrito Liquiça. Programa formasaun neé hala’o iha loron 4-8 fulan Agosto tinan 2008, ne’ebé loke offisialmente husi S.Exa. Drª. Lucia Maria Brandão Freitas Lobato, Ministra da Justiça, no akompanha husi Administrador Distrito Liquiça no Komandante PNTL Distrito Liquiça nian. Iha partisipasaun husi membros PNTL hamutuk ema nain 37 neébé tuir iha formasaun ida ne’e ho objektivu atu aumenta sira nia kapasidade no koñèsimentu diak liu tan iha área lei no direitos humanos nian, hodi nuneé bele kontribui no hametin ita-nia sistema leis no justisa iha Timor-Leste.

Formasaun ida neé hanesan sei kontinuasaun no tuir planu sei realiza mós iha Distrito sira seluk iha territóriu tomak.