Ministério Justiça koopera ho ONG lokal hodi fasilita treinamneto ba membrus PNTL konaba Lei no Direitus Humanus durante loron lima iha Centro Formação PNTL Distrito Dili

Ministra da justiça

Komandante Operasional Polisia PNTL, Inspektur Jose Soares, loke serimonia treinamento Lei no Direitus Humanus ba membrus PNTL iha salaun formasaun PNTL distrital Caicoli Dili.

Ministério Justiça liu husi Direção Naçional dos Direitus Humanus no Cidadania, DNDHC, Provedor dos Direitus Humanus e Justiça-PDHJ, koopera ho ONG's no sosiedade sivil hodi halao
treinamento ba membrus Polisia Nasional Timor Leste nain 33 inklui feto nain hat durante loron lima hahu dia 8 Setmbru no remata iha loron 12 Setembru 2008 iha salaun formasaun PNTL distrito Dili.Iha serimonia abertura treinamento Lei no Direitus Humanus ne'e ofisialmente loke husi Komandante Geral Operasional PNTL, Inspektur Jose Soares no akompanha husi komandante Internio Distrito Dili, Sup-Inspektur Delfim da Silva. Serimonia nebe refere representante husi Komandante Geral da PNTL nebe mos asumi kargo hanesan Komandante Operasional PNTL, Inspectur Jose Soare iha nia deskurso hateten," iha nasaun ida iha mundo ne'e tenke iha Lei, bain hira iha Lei depois mak direitus Humanus, iha Lei mak bele regula buat hotu hotu iha nasaun ida nia laran. Se kuando iha nasaun ida mak laiha lei, mak nasaun ne'e sei sai tiha fali anarkia. Neduni bazeia ba knar nudar Polisia, Polisia mak reforsa lei (Polisia yang melaksanakan hukum)."

Iha tempu hanesan komandante Interino Distrito Dili, Sup-Inspektur Delfim da Silva fo nia ninia motivasaun ba membrus sira nebe tuir treinamentu ne'e atu tuir ho didak durant e loron lima nia laran depois ida ne'e mais ou menus sira bele iha bukae ruma ba sira nia serviso lor-loron.Komandante Interino Distrito Dili, Sup-Inspektur Delfim da Silva
hateten," hau informa ba membrus PNTL nebe nudar partisipante iha treinamento ne'e , nebe mai husi nivel Komando distrito Dili nia okos, hau husu atu bele partisipa iha treinamento ne'e ho didak hodi bele kompriende materia hirak nebe hato'ohusi treinador sira, atu depois de treinamento ne'e bele sai hanesan bukae ida ba sira nia serviso lor-loron nian hanesan lei no direitus humanus, durante loron lima nia laran ne'e hodi bele hetan netik lisaun nebe diak husi treino ida ne'e . Ho treinamento ne'e ba oin presiza koopera ho Ministério da Justiça, Provedoria de Direitus Humanus no Justiça, Assosiasaun HAK, HR-Unmit, Sekretaria Estado do Promosaun Igualidade, Fokupers, Rede Feto no Akademia Polisia rasik, ho instituisaun hirak ne'e atu koopera hamutuk hodi hare saida mak husi PNTL atu halo no saida mak ami PNTL labele halo, no komunidade sira atu halo saida no saida mak sira labele halo. Nune mos komandante interino ne'e halo rekomenda ba governo liu husi Ministério Justiça, Direção Nacional das Direitus Humanus no Cidadania atu bele fornese livro konaba Código Proçesso Penál no Constituição RDTL atu bele fahe ba komandante seksaun sira seluk."

Bazea ba knar nebe importante tebes ba Instituisaun PNTL ho nia membrus sira atu aumenta no haklean liu tan kuinesemento iha parte lei no Direirus Humanus ba membrus PNTL ida idak atu nune sira bele halao sira nia knar no funsaun ho diak liu tan husi parte governo liu husi Ministério Justica, DNDHC iha komitmento hodi bele realiza treinamento ba membrus PNTL iha distrito Dili no iha teritorio tomak tamba husi Ministério Justiça-DNDHC, serviso hamutuk ho instituisaun sira hanesan; PDHJ, SEPI, Asosiasaun HAK, Rede Feto, Fokupers no SES (Sekretario Estado Seguranca) liu husi Akademia Polisia rasik no inklui mos Unidade Direitus Humanus UNMIT nia toma inisiativa hodi halao treinamento DIREITUS HUMANUS NO LEI ba
membrus PNTL sira. Programa ne'e hanesan programa kontinuasaun husi programa formasaun nebe halao ona iha distrito seluk.

NB:
Notisia ne'e publika tiha ona iha jornal Timor Post iha 10 Setembru 2008