Partisipantes nain 30 inklui administrador sub distrito nain hat partisipa iha workshop KDL iha salaun administrasaun Distrito Manatuto

Ministra da justiça

Ministério da Justiça coopera ho Nasoes Unidas liu husi Unicef Timor Leste halao workshop loron ida konaba Konvensaun Direito Labaraik (KDL) iha salaun administrasaun distrito Manatuto, Sesta feira semana kotuk (10/10/08). Workshop neébe refere halao ba partisipantes nain 30 inklui administrador sub distrito nain hat. Ema nebe sai fasilitador ba workshop neé mai husi Ministério Justiça, Sr. Dr. Nelinho Vital no husi Unicef, Sr. Antonio Gomes no Indra Monemnasi. Materia nebe hato'o mak; Refleksaun ba labarik hato'o husi Indra Moenmnasi husi Unicef, Konvensaun Direito Labarik, hato'o husi Sr. Dr. Nelinho Vital husi Direção Nacional de Direito Humanus e Cidadania no ikus liu halo diskusaun konaba materia nebe hato'o husi fasilitador sira no halo plano ba aktividades labarik nia ba loron 28 Novenbro. Husi workshop neé partisipantes sira hetan mos livros nebe fahe husi DNDHC hanesan; Código Proseso Penal, Constituição RDTL no Revista Ministério Justiça.

Ministra da justiça

Workshop ho tema "Orientasaun KDL ba governantes, pratikante media, Juventude, Insttituição Relijioza no ONG." Neé ho nia objektivo atu fo valores liu ba direito labarik, iha sira moris loron loron, atu nune wain hira governo distrital foti dezisaun ruma tenke atensaun ba direito labarik nian. Segundo partisipantes nebe partisipa iha workshop neé atu bele habelar liu tan informasaun ba komunidade konaba Direito Labarik nian nebe partisipantes sira hetan. Partisipantes ba workshop neé mai husi; administrador sub distritos, representante Polisia Nasional Timor Leste, representante media, representante instituisaun Relijioza no representante juventude distrito Manatuto.

Ministra da justiça