Serimonia despedida ba kandidatus nain 10 husi Ministério Justiça nebe atu desloka ba Indonesia atu hasai formasaun Mestrado ka S2 iha Universidade Gajah Mada Jogja – Indonesia ne'e oficialmente despida husi Ministra Justiça, Lucia Lobato, Tersa feira (16 Setembro 2008) iha Centro Formasaun Judiçiario Caicoli Dili. Kandidatus nebe refere kompostu husi:

1. Dr. Nelinho Vital, kandidatu Mestro de Direito

2. Dr. Mario Ximenes, kandidato Mestro de Notariado

3. Dra.Delfina Maia, kandidata Mestrada de Direito Comercio

4. Dr. Salvador da Costa Fernandes, Mestrado de Planeamento Estrategiku

5. Dra. Domingas Castanheira kandidata Mestrada de Gestaun Rekurso Humano

6. Dr. Manuel G. da C. Guterres, kandidato Mestrado de Gestaun Avaliasaun de Terras

7. Dr. Octavia Celeste Soares, kandidata Mestrada de guestaun avaliasaun de Terras

8. Dr. Filomeno de Araujo, kandidato Mestrado de Administrasaun Publika

9. Dr. Maximiano Fernandes, kandidato Mestrado de Administrasaun Publika

10. Eng. Nelson Moniz Belo, kandidato Mestrado de Teknologia Informatika.

Iha serimonia ne'e Ministra Justiça, Lucia Lobato hato'oobrigado ba German Tecnhical Cooperation ka GTZ nebe haruka funsionario publico husi ministério Justiça nian 10 nebe inportante atu ba hasai sira nia formasaun Mestrado/a iha UGM Jogja-Indonesia, nune ho sira nia kapasidade nebe iha atu bele desemvolve ita nia rai ida neé.

Ministra da Justiça, Lucia Lobato hateten," hau hato'ohau nia obrigado ba koordenador GTZ nebe la kleur tan haruka funsionario husi ministério Justiça nia, nain 10 atu ba hasai sira nia formasaun Mestrado/a ka programa S2 iha Universidade Gajah Mada, Jogja- Indonesia, neduni ho sira nia kapasidade nebe sira hetan atu sira bele desemvolve ita nia rai ne'e liu liu iha ministériu Justiça." Konaba orsamento nebe usa ba formasaun Mestrado/a ba tinan ne'e Ministra reforsa tan ,"orsamento hotu mai husi GTZ tamba serviso hamutuk governo Timor Leste ho governo German liu husi GTZ neduni atu kandidatu sira bele usa oasan ne'e ho didiak tamba osan ne'e laos governo mak fo." Hatan ba funsionario sira nia salario Ministra ne'e hateten," ba sira nain 10 nebe ba hasai sira nia formasaun ne'e salariu lao nafatin hanesan bain bain plus osan nebe GTZ fo durante sira halo sira formasaun to'o fila mai no kaer nafatin posto nebe sira okupa. João MP da Costa Tec.Prof. e Divulgacaos.