MJ Sai Panelista ba Seminar ho Tema Insestu Krimi neébe la Hetan Rekonhesementu

Dili-Ministru Justisa Dionisio Babo Soares sai Panelista ba Seiminar Nasional neébe organiza husi ONG Programa Monitorizasaun ba Sistema Justisa (JSMP) neébe servisu hamotuk ho Sekretariu Estadu Promosaun Egualidade (SEPI) hodi organiza Seminar Nasional ho Tema “Insestu iha Timor Leste Krimi ida neébe la hetan Rekonhesementu”.

Tuir Ministru Justisa Dionisio Babo Soares hateten katak lia fuan insestu lia fuan ida neé beé la iha,iha mak (Ran Moe Malu) i lia fuan neé mos laos buat foun ba ita nian rai maibe neé ejisti nanis tiha ona iha sosiadade nian let ona tamba neé oinsa mak ita hotu atu tau hanoin atu reduz Insestu neé, insestu ne’e krimi maske la ejisti iha Kodigu Prosesu Penal.

“Insestu nudar aktu seksual neébe akontese entre ema ida ho ema oan ka inan aman,bei-oan ka avo naán ka feton neébe iha deit inan aman ida hanesan ka relasaun padrasaun ka tuir adosaun legal ho tipu hanesan insestu neé tipu abuzu seksual neébe envolve esplorasaun poziasaun autoridade familiar ho impaktu neébe todan”Dehan Ministru Justisa Dionisio Babo Soares hafoin sai panelista iha Seminar Nasional neébe organiza husi JSMP iha Salaun Delta Nova Kuinta (06/12).

Ministru Justisa mos informa tan katak Politika Governu liu husi Ministru Justisa lha Diresaun Nasional Direitus Humanus i Sidadanian neébe durante neé servisu hamutuk ho Prokuradoria Republika, Tribunal Distrital, ho Defensor Publiku hodi divulga programa no fahe informasaun ba ita nian komundiade sira liu-liu iha area justisa nian atu nunee ita nian povu sira mos bele iha konhesementu diak liu kona ba ita nian lei neébe ita iha.

“Politika Governu liu husi Ministru Justisa iha Diresaun Nasional Direitus Humanus i Sidadania (DNDHC) servisu hamotuk ho Prokuradoria Republika, Defensoria Publiku, Tribunal Distrital atu bele divulga informasaun ba publiku iha Distritu 13 liu husi media”dehan Minstru Justisa.

Pedro Delfim
Gabinete Ministru Justisa
Media Officer