Komemorasaun Loron Proklamasaun Independesia Ba 37 No Tinan 100 Luta Dom Boaventura Iha Aileu

Iha loron 27 toó 28 Novembru 2012 Vice Ministru Justisa, Ivo Valente nudar presidensia ba komemorasaun loron Independesia RDTL ba 37 iha Distritu Aileu, partisipa iha aktividade oin – oin atu komemora loron históriku ida nee.

Loron 27 Novembru 2012 horas 20:00 Vise Ministru Justisa, Ivo Valente partisipa Dialogu ho komunidade suku Seloi Malere Aileu Villa.

Aktividade nebe partisipa husi Adjuntu Administrador Aileu Sr. Abel da Conceicão, Veteranus Sr. Nai Uma, Sr. Francisco Martins ( Alias Teki liras ), Sra. Demantina Martins ( Veteranas ) representantes Juventudes Suku , hamutuk ho Directores distritu hanesa, Sr. Gapar Benevides ( Terras e Propiadades ), Sr. João Boges ( Notariados ), Sr. Gellieni Galhós ( Agricultura ), ho Chefe Gabinete Vise Ministru Justisa Sr. Julio Tilman.

Dialogu ho reflesaun ba loron Históriku 28 Novembru 2012, anima ho atrasaun arte no dansa husi Juventudes no Estudates balun.

Loron 28 Novembru 2012 horas 07 : 00 partisipa iha Misa Espesial nebe konsentra iha Igreja São Pedro São Paulo Aileu, hodi agradese ba luta naruk nebe Povu Timor – Leste ho Herões sira sakrifika ba Independensia.

Vise Ministru Justisa, Ivo Valente , iha tuku 09.30, preside serimonia hasaé bandeira, ho iniciu fo Honra ba heroes libertasaun da patria, liu husi minutu ida halao selensiu, hafoin lé diskursu ofisial Presidente Repúblika ( S. E. Sr. Taur Matan Ruak ), nunee mos halo diskursu Espesial ba Povu Aileu.

Seremonia hasaé Bandeira taka no kontinua ho vizita ba Feira Produsaun lokal, kúa bolu, hodi selebra hamutuk ho Povu Aileu.

Honorio dos Santos
Gabinete Vice Ministru Justisa
Media Officer