MJ Loke Abertura ba Lansamentu Konsulta Publiku Lei Ba Rai

Dili-Ministru Jusitsa Dionisio Babo Soares Ofisialmente loke abertura ba Worshop neébe organiza husi UNP ho Tema Rejimi nain ba Bens Imoveis, Lei Expropriesaun,Fundu Finaseiriu Imoviliariu iha Salaun JL Vila Aimutin Komoro Sexta (23/11).

Tuir Ministru Justisa Dionisio Babo Soares hateten katak Ministeriu Justisa liu husi Diresaun Nasional Direitus Humanus i Sidadania (DNDHC) dezamina ona informasaun ba komunidade liu-liu ba lei rai nian ba komunidade sira iha Distritu hotu atu bele hatene los kona ba konteudu husi lei rai nian.

“Ministru Justisa liu husi Diresaun Nasional Direitus Humanus i Sidadania (DNDHC) hodi divulga informasuan ba komunidade sira atu bele hatene lolos konteudu husi lei rai nian neébe ita iha nomos iha IV Governu Konstituisional mos halao ona Konsulta publiku ba Komunidade hotu kona ba lei rai nian tamba neé agora ita hotu presija atu bele duskuti materia tekniku nian atu bele akomula hotu sujestaun neébe mai husi Publiku”Dehan Ministru Justisa hafoin loke abertura ba Worshop Konsulta Publiku Lei ba Rai iha JL Vila Aimutin Comoro Sexta (23/11).

MJ mos Informa tan katak Problema lei rai nian laos deit Govenru nian i laos deit Ministeriu Justisa nian maibe neé ita hotu nian tamba neé atu bele tau hamutuk ita nian hanoin hodi halo suptansia hotu I hamutuk ho draf lei nian hodi haruka ba Parlamentu Nasional hodi diskuti se ita halo seminar deit ita koalia hotu ona maibe la iha baze legal ida neé tamba neé ita tenke tau iha formulariu eskrita ida hodi tau hanoin no sujestaun hamutuk.

Ministru mos salienta tan katak husu ba maluk ONG sira no sosiadade sivil sira neébe ohin partisipa iha workshop ida neé atu bele tau hanoin hamutuk tau interese nasional as liu duke interese pribadu tenke tuir prinsipiu neébe igualidade no transperensia no lalika halo diskriminasaun.

Iha worshop neébe partisipa husi Ministru Justisa Dionisio Babo Soares, Akompania husi Vise Ministru Justisa Ivo Valente, Sekretariu Estadu Terras i Propriedade Jaime Xavier inklui mos Entidade hotu.



Pedro Delfim
Gabinete Ministru Justisa
Media Officer