Vise Ministru Justisa, Ivo Valente sai nudar orador ba semináriu konsulta publika konaba projektu lei, direitu ba rai, Expropriasaun i fundu imobiliariu.

Iha Hotel JL Villa, loron 23 Novembru 2012 i tuku 9.00 dader-san , Ministreriu Justisa hahu kontinua halão konsulta ba públika, ba projektu lei tuir mai nee:
1. Lei Difinisaun Nain ba Rai.
2. Lei Expropriasaun.
3. Lei Fundu Imobiliário .

Konsulta públika nebe loke ofisialmente husi Ministru Justisa DR. Dionisio Babo, partisipa husi Ajensia Internasional,Sosiedade Sivil, etc, konsentra iha hotel Jl Villa fatuhada Dili.

Vise Ministru Justisa Ivo Valente, sai núdar orador ba esbosu lei 3 nee, Esplika iha nia Intervensaun katak, lei sira nee laõs foun, maibe halo ona alterasaun, ajustamentu balun hodi harmoniza iha parte (artigu) balun hodi akomoda Interpretasaun oin–oin iha ita nia komunidade.

Konsulta nee importante, tamba liu tiha tinan 3 konsulta nee lão, rona ona ema barak nia hanoin, nebe matenek, no mos observa i estuda eix Presidente Repúblika Sr. José Ramos Horta nia pareser, ho mos Senhores eix Deputadus parlamentu nasional sira iha segunda Lejisltura nian, konsidera mos hanoin husi NGO ou Sosiadade Civil, hodi hamosu esbosu lei 3 ho versaun foun.

Esbosu sira nebe iha versaun ida nee, sei sempre kaer metin prinsipius sira nebe mai husi proposta anterior, ho objektivu atu rekonhese direitu povu Timor – Leste nebe iha tempu naruk la hetan direitu ba sira nia rai ka propriedade.

Pontu ba dala ikus, Vise Ministru Justisa Ivo Valente, alerta ba ema hotu katak Ministeriu Justisa sei fo tempu ba parte hotu–hotu atu analiza,observa no fo ideias konstrutivas atu hadia versaun ikus nee, liu husi submisaun eskrita ba Ministériu Justisa atu kompleta projectu lei sira nee, antes Ministeriu Justisa hatama ba Konselhu Ministrus, hodi halo diskusaun no haruka ba Parlamentu nasional atu hetan aprovasaun.

Hein kontribuisaun matenek husi parte hotu–hotu ba projektu lei 3 nee.