PN, 27/6/2022, Sua Exselensia Vise Ministru Justisa Dr. José Edmundo Caétano (Saka Timor) Aprezentasaun ppl no. 17e18/v/3a konaba 1o Alterasaun Kodegu Processu Penal. Segunda-feira ne’e iha Parlamentu Nasional.
Asembleia ne’e, prezidi husi Exselensia Prezidenti Parlamentu Nasional, Deputadu Aniceto Longinhos Guterrres Lopes, no mos membru deputadu sira hotu. Projeto lei 17 e 18/v/(3a) ne’e, proponente husi Vise Ministru Justisa akompañadu husi director DNAJL no diskuti husi komisaun A paralamentu Nasional asuntu konstitusional I leis nune’e bele hare artigu nebe konsidera la nesesariu bele elemina no ida nebe menus bele aumenta I bele halo ajustamentu ho rekomendasoens sira.

projeitu lei ne’e, hetan 1o alterasaun ho objetivu atu harmoniza lei sira nebe mak aprovadu ona hanesan estatuta ministeriu publiku. Projeitu lei ne’e relasiona ho kompetensias ba iha autor judisiarui.

Tamba ne’e VIII Governu Konstitusional ministeriu justisa apresia ba inisiativa husi komisaun A parlamentu nasional atu diskute klean liu tan.
Projeitu lei hetan alterasaun artigu hamutuk atus resin no aditasaun ba 25 artigus.
Proponente Vice Ministru Justisa mos hetan kritiku husi membru deputadu sira oinsa bele hadia diak liu tan elaborasaun ba iha kodegu prosesu penal atu labele fo prezudika ba iha prosesu judisiariu. Governante ne’e, esplika no hatan ba preokupasaun sira ho konstrutivu ne’ebe mai husi deputadu sira, ministeriu justisa sei esforsu tomak atu implementa ho diak no adekuadu.

Projetu lei ne’e, hetan apresiasaun, sugestaun husi membru deputadu parlamentu nasional iha segunda-feira no hetan aprovasaun iha sesaun jeneralidade iha dia 28/6/2022 depois ida ne’e sei entrega hikas ba iha komisaun A asuntu konstitusional I leis Parlamentu Nasional ne’ebe lidera husi prezidenti komisaun A deputadu Dr. Joaquin dos Santos Borlilu, atu deskute iha sesaun espesialidade.
Governante ne’e mos fo hanoin ba komunidade autor judisiariu sira atu partisipa maximu iha diskusaun iha sesaun espesialidade atu nune’e fo idea ne’ebe diak para projeitu lei ne’e hetan rezultadu nebe diak ba futuru oin mai.