VICE MINISTRU JUSTISA DIRIJI CEREMONIA ANIVERSARIU GUARDAS PRIZIONAL TIMOR LESTE DA-22


Covalima, 13/5/2022, Sua Excelencia Vice Ministru Justisa Dr. Jose Edmundo Caetano (Saka Timor) Diriji Ceremonia Aniversariu Guardas Prizional Timor Leste, Sesta-Feira neé iha Prizaun Covalima.
Ceremonia Aniversariu Guardas Prizional ba dala-22 neé, diriji husi Vice Ministru Justisa, akompanha hosi Secretario Estadu Terras Propriedades Dr. Eldino Rodigeus dos Santos, partisipa hosi Komisariu Funsaun Publika, Madre I Padre, Funsionariu Ministeriu Justisa, reprezentante adminitador munisipio Covalima Guardas Prizional tomak, Advogados, Pesoal Saude, PNTL, F-FDTL, Director Geral Ministeriu Justisa, Corpu Bombeirus, inklu kominidades, marka prezensa hotu iha prizaun Suai hodi selebra aniversariu guardas prizional nia loron existensia.

Vice Ministru iha nia diskursu hateten aniversariu guarda prizional iha tinan ida neé selebra aniversarui ba da-22 nebe existensia iha timor leste sai hanesan intitusional ida nebe tutela iha Ministeriu Justisa nia okos hodi fo asegurasaun ba ema sala nain sira iha fatin klot nebe hanaran komarka.

Guardas Prisional ne’e, presiza tau matan ba sira tamba sira iha naha todan nebe sira lori iha tempu nebe laiha deskansa, loron kalan sira mantein nafatin iha servisu fatin la sente kolen tamba knar nebe sira simu todan teb-tebes. Ema hotu bele hala’o knak hanesan seguransa maibe lahenesan iha prizaun hodi fo seguransa ba sala nain nebe mai ho kazu nebe tipu lahanesan neé laos buat fasil ida. Haknar aan iha fatin prizaun neé fatin risku boot tamba ema nebe tama iha prizaun neé mai ho sala ka krime nebe ema hotu lagosta iha publiku ka sosiedade nia leet.

Guarda Timor Leste nebe durante neé existe hamutuk 209 pessoas nebe hala’o nia funsaun iha prizaun hodi fo seguransa ba dadur sira hamutuk 500 resin maibe laiha failansu tamba neé ita fo orguilu ba sira iha loron espesial ida ne’e, korajen nafatin hodi servi ho vontade nebe diak hanesan sidadaun diak iha nasaun ida ne’e.

Vice Ministru apresia no agradese tebes ba guarda prizional sira nia servisu durante neé tamba maske servisu ho kondisaun nebe lapermite ou fasilidade nebe limita tebes maibe ho sira nia maneira,dedikasaun tomak nebe diak tebes hodi konvense prizioneiru sira nebe barak tebes. Agradese mos ba parte hotu nebe durante neé fo apoiu tomak ba iha estabelesimentu prisional, Liu-liu parte relijiaun katolika nebe durente fo nia apoiu tomak, NGO Internasional, no sira seluk nebe latemi ida ba ida.

Vice Ministru hateten Governu planu atu preve osan hodi promove sira liu husi kapasitasaun, nivel de servisu, salariu, nune’e bele hala’o nia funsaun ho diak liu tan iha sira nia knar fatin. Presiza hadia infraestrutura nune’e bele seguru I kontrolado no mos ambiente nebe saudevel, sei tau mos osan ba iha diresaun estabelesimentu prisional hodi bele rekruta tan Guarda Prizional Foun hodi bele fo seguransa ba ita nia dadur sira ho adekuadu.

Arcanjo Viana das Neves
Media Gabinete Vice Ministru Justisa