Dili, 9a11, Sua Excelencia Vice Ministru Justisa Dr, Jose Edmundo Caetano (Saka Timor) Partisipa Debate Orsamentu Ratifikativu 2022. Segunda- Feira ne’e iha Parlamentu Nasional.
Debate OJE Ratifikativu 2022 ne’e, prezidi husi Excelensia Prezidenti Parlamentu Nasional Deputadu Aniceto Longuinhos Guterres Lopes hamutuk ho membru deputadu sira iha Parlamentu Nasional.

Debate OJE 2022 ne’e, prezensa hosi membru VIII Governu Kontitusional nebe lidera hosi General Taur Matan Ruak, inklui mos Vice Ministru Justisa Dr. Jose Edmundo Caetano (Saka Timor) partisipa debate OGE ne’e durante loron tolu iha Parlamentu Nasional.

Governu aprezenta orsamentu hamutuk biliaun $ 1,413,900,930, ba iha planu orsamentu ratifikativu 2022 hodi atende ba medida sira nebe mak estadu Timor Leste infrenta dadaun.

Xefe Governuargumenta, Orsamentu Retifikativu ne’e importante tebes tamba orienta ba povu,katak tau ema sai sentru atensaun Governu nian, espesial kona ba kriasaun Fundu Veteranus ne’ebé antes ne'e la sustentável no diskriminativu ba sustentável no Fundu Impréstimu Suave ba setór Produtivu oinsá fasilita kréditu ba sosa produtu lokál povu nian nu’udar meius valoriza produtu lokál.
OJE Retifikativu ne’ebe Governu aprezenta hamutuk $ 1.129.857. 250, maibe durante debate iha parlamentu deputadu sira aumenta tan proposta ho milaun ida hodi sae ba biliaun $ 1.525. 254. 428, hodi finansia ba iha medidas sira nebe infrenta.

Hosi montante refere aloka ba kategoria salariu vensimentu miliaun $ 5,600,00, bens servisu miliaun $ 64,324.720, transferensia publika miliaun $ 1,454,993.108.
Orsamentu ratifikativu 2022 ho karakter urjente neé mai ho medida komplementar 13 hanesan; Atribuisaun osan fulan 13 ba kada familia (eceptu funsionariu publiku), Projetu uma kbiit laek (UKL) plus, Bolsu estudus ba estudante melhor graduadus sira, Kria fundus veteranus, Programa maundeobra ba Postu Administrativu sira, harií sede ba Arte marsial no Arte Ritual, Programa eskola iha uma (home school), Oferese internet ba estudantes sira, buka empregu ba mellor alunu universitarius, Estabelesimentu sekretaria ba asuntu trabalhador esterior, revitaliza kafé no subsidiu ba kafe laku-teen, subsidiu akomodasaun ba PNTL no F-FDTL, Pagamentu renumetasaun ba PNTL nian no regime salarial foun.

Aprovasaun orsamentu ratifikativu ne’e, komisaun C neebe trata asuntu finansas sei halo redasaun final ho nia alterasaun sira iha proposta OJE, hafoin sei enkaminha ba iha prezidenti republika hodi bele hetan promulgasaun.