MINISTERIU JUSTISA ABERTURA PROGRAMA KAMPANHA VASINASAUN COVID-19 IHA MUNICIPIO MANATUTU


Laclubar, 7/10/2021, Sua Execelencia Vice Ministru Justisa Dr. Jose Edmundo Caetano Hala’o Kampanha Vasinasaun COVID-19 iha Laclubar Municipio Manatutu.
Iha atividade ne’e diriji husi Sua Execelencia Vice Ministru Justisa no Akompanha husi Director Geral SIJK Dr. Odete da silva viegas, ho funsionarius husi dotor saude sira. Atividade ne’e, participa husi autoridade local, komunidade no estudantes sira iha fatin sentru saude laclubar oin.

Liu husi Execelencia nia lia menon ba komunidades refere katak estado laos atu hamate ninis povu maibe iha dever atu asegura nia povu, liu husi vasinasaun hodi hasae imunidade para prevene moras aat nebe agora dadaun mundu enfrenta, inklui Timor Leste, ne’e duni liu husi Konsellu Ministrus difini programa campanha vasinasaun COVID-19 ba iha komunidade nia leet. Tamba dala barak komunidade asesu informasaun lalos iha media sosial i tecnoligia hodi muda mentalidade no tauk hadook an husi sentru saude, ikus rezultadu numeru mortalidade barak liu kompara ho tinan kotuk liu ba. Tan ne’e husu ba komunidade hotu atu hakbesik an ba sentru saude sira hodi hetan tratamentu vasinasaun ba prevensaun Moras aat sira nebe iha hela ita nia rai (COVID-19)

Diretora SIJK, Dr. Odete da Silva Viegas, sublina liu tan, kazu moras foun nebe afeta ou ameasa tebes ita iha oin rua mak hanesan CORONA VIRUS, DELTA VIRUS nebe mak ita iha, perigu tebes no fasil atu hamate ita lalais, iha referensia, tinan 2019 ba kraik numeru mortalidade minimu kompara ho tinan 2020 to agr numeru mortalidade hamutuk 119, iha kazu ne’e, ema la vasina mak numeru maioria no ida vasina ona ne’e numeru kiik, nune’e nudar ema medika ou saude ida iha dever atu fo informasaun no vasina ba sidadaun hotu iha teritoriu tomak hodi prevene ba moras sira nebe agora dadaun espaila iha ita nia rai doben ne’e. liu husi vasina produtu nebe mak prepara husi ita nia estadu ne’e atu salva guarda ita povo iha Timor Leste ne’e. Ema nebe hetan vasina ona hanesan halo lutu ba an no ba familia I komunidade sira tamba moras nebe iha ladaet ona ba pesoal refere no ba seluk.

Vasinasaun ida ne’e iha oin tolu mak hanesan vasina astrazeneca, sinovac no fizer. Produtu rua hanesan Astrazeneca no sinovac vasina ba ema adulto ho idade18 ba leten, fizer vasina ba labarik sira ho idade husi 18 mai kraik to’o 12 anos.
Produtu hirak ne’e ninia efetividade hanesan maibe ninia durasaun mak lahanesan tamba astrazenca simu 1o doce semana 8 mak simu tan 2o doce ida seluk faizer simu 1o doce semana tolu deit ita simu tan ona 2o doce. Antes atu aplika produtu faizer primeiru husi saude sei halo kampaina ou halo sosializasuan ba komunidade ka labarik sira ho idade 12 to’o 18 nia inan aman hodi husu autorizasaun tamba vasinasaun ne’e laiha obrigatoriu. Nune’e husu ba povo doben Timor hotu atu kontribui ho estadu no pesoal saude sira atu kombate moras nebe espaila iha ita leet I hamenos kazu mortalidade iha ita rai doben Timor Leste.

Sua Execelencia, ajuda pessoal saude sira hodi fo vasinasaun I livru ba komunidade no estudantes sira iha postu refere hanesan estudantes husi eskola katolika Dom BasíSlio do Nasimento Laclubar. Estudantes barak mak simu vasinasaun 1o doce husi pordutu astrazeneca hamutuk ho profesaores balun hetan vasinasaun iha fatin refere. Estudantes kontenti tebes tamba hetan vasinasaun iha sira nia eskola rasik I hetan informasaun nebe klaru no kredivel husi governantes I pessoal saude sira, hodi fasilita sira lao livre iha komunidade no maluk estudantes sira iha eskola.
Ikus,sua execelencia, foto hamutuk estudantes no komunidade sira iha posto administrative laclubar.

Arcanjo Viana das Neves
Media Gabinete Vice Ministru Justisa