Membru CPD-RDTL Hasoru Malu Ho MJ Hodi Hetan Informasaun konaba Prosesu Lei Rai Nian

Dili-Relasiona ho Publikasaun Jornal Diario Nasional iha loron Quarta 10/10 ne’ebe intervista Ministru Justica Dionisio Babo Soares iha edifisiu Rejistu Sivil i Notariadu, dirijentes CPD-RDTL hasoru malu ho Ministru da Justisa Dionisio Babo Soares hodi hetan klarifikasaun. Iha tempu neba, Ministru Justisa hateten katak iha Ministeriu ne sei aprezenta fila-fali Lei rai nian Proposta lei rai nian ba Konselu Ministru hodi halo apresiasaun molok aprezenta ba Parlamentu Nasional hodi diskuti.

Intervista ne, hetan reasaun husi Organizasaun CPD-RDTL hodi divulga iha medias nacionais no TVTL hodi hasoru malu ho Ministru Justisa iha Sabadu (13/10) hodi hetan esplika lolos prosesu lei rai nain ba Membru CPD-RDTL.

Tuir Ministru Justica Dionisio Babo Soares, V Governu Liu husi Ministsru Justica prepara ona atu hetan apresiasaun hosi organizasoens NGO ho politiku sira para husu sira nia pareser eskrita konaba lei rai nian. Miniistru ne mos hatete katak, iha IV Governu Konstitusional, halao ona konsulta lobuk ida antes lei ne aprova iha Parlamento Nacional, maibe ikus mai Prezidente Republika altura neba, Jose Ramos Horta, veta tiha.

Tanba ne, forma konsulta nebe Ministeriu Justisa halo sei hakarak hetan liu hosi dalan eskritu (tertulis) par abele hatene lolos submisaun nia konteudu. Konsulta aberta hanesan uluk, ema koalia deit mak barak maibe dala ruma susar atu kumpriende ema hotu-hotu nia hakarak. Tanba ne, agora dadaun, Ministerio Justisa liu hosi Sekretario Estado Terras e Propriedades, prepara hela formulariu ho informasoens atu bele distribui ba ONG, organizasaun Politika balun no sosiadade Sivil sira atu bele tau sira nian hanoin no sujestaun iha formulariu atu bele estuda no kontempla iha esbosso Lei rai nian, antes haruka ba fali Konselho Ministru. molok atu haruka ba Parlamentu Nasional.

”V Governu Constisional liu husi Ministeriu Justica prepara ona Formulariu atu bele fahe ba ONG, organizasaunu politika balun no sosiadade sivil sira hodi tau sira nian hanoin iha formulariu ida neé hanesan baze legal ida hodi aprezenta hamotuk ho lei rai nian ba Conselu Ministsru Molok atu haruka ba Parlamentu Nasional” Dehan Ministru Justica Dionisio Babo Soares iha Edifisiu Ministeriu Justica Caicoli Semana kotuk liu ba.

Tuir Babo, submissaun eskrita hirak ne mos sei tau hamutuk, hafoin haruka mos ho esbosso lei atu nai Ulun iha governu no parlamento nasional sira bele konsidera.

Pedro Delfim
Media Officer