Atu Proteza Testamunha MJ Sei Halo Diploma Regulatoriu

Dili-Ministru Justica (MJ) sei halo diploma regulatoriu hodi bele garante testamnuha sira wanhira presta deklarasaun iha Tribunal.

Tuir Ministru Justica (MJ) Dionisio Babo Soares hateten katak aplikasaun lei testamunha neé presiza buat barak hanesan ekipamentus,instrument neébe atu uza ba testamunha sira hodi bele proteze sira atu fo sasin ho livre.

“Dala barak testamunha sira presta deklarasaun iha Tribunal sira tauk tamba neé MJ iha Politika ida atu bele halo diploma regulatoriu hodi proteza testamunha sira bahira presta deklarasaun iha Tribunal”Dehan Ministru Justica Dionisio Babo Soares iha Parlamentu Nasional Sexta (12/10)

Ministsru mos informa tan katak Diploma Regulatoriu neé sei proteze testamunha neé sei prepara hela no besik hotu ona,hafoin hotu mak sei bele haruka ba Konselhu Ministru hodi halo apresiasaun molok haruka ba Parlamentu Nasional atu Diskuti.

“Dipoma Regulatoriu neébe sei proteze Testamunha sira banhira presta deklarasaun iha Tribunal tamba dala barak testamunha atu koalai maibe tauk ”dehan MJ.

Ministru Salienta tan katak lei Testamunha neé tenke iha orientasaun ba aplikasaun atu nune ema la bele aplika lei neé arbiru deit,e mos testamunha sira labele tauk atu bele koalia lia los ba Tribunal tamba iha lei para bele proteje sira.

Pedro Delfim
Media Officer