Ekipa TIC hala’o enkontru ho SETP kona-bá Pronesimentu Liña Informátika


BEBORA-Sekretáriu Estadu Terras Propriedades (SETP) Mario Ximenes, iha loron 9 fulan-Jullu 2020 foin lalais ne’e hala’o enkontru ho Ekipa Teknolójia Informátika no Komunikasaun (TIC-Sigla Portugés) hodi partilla informasaun sobre Pornesimentu ba liña informátika ba insituisaun estadu nian sira iha Timor-Leste.
Sekretáriu Estadu Terras Propriedades Mario Ximenes hamutuk ho Diretór Jeral Terras Propriedades no Dirijente sira iha ámbitu SETP nian realiza enkontru ho Diretór Ezekutivu Ajénsia Teknolójia Infomasaun Komunikasaun (TIC) TIMOR I.P ho nia ekipa iha Gabinete SETP nian ko’alia kona-ba apoiu TIC nian ba instituisaun estadu nian sira liu hosi área informátika.

Ho ida ne’e, SETP Mario Ximenes, apresia ho prezensa ekipa TIC nian iha Gabinete SETP, nune’e nia parte presiza duni apoiu hosi TIC nian, tanba ne’e, iha tempu badak SETP sei tau mós iha planu, nune’e iha 2021 tinan oin bele tama ba faze implentasaun.
Membru Governu reforsa mós, iha futuru Terras Propriedades presiza tebes apoiu TIC nian hodi fornese mós liña TIC ninan ba iha SETP hodi bele fasilita servisu Diresaun nian iha Munisípiu sira.
Iha biban ne’e, Diretór Ezekutivu TIC TIMOR, Roberto Caitano de Sousa Vicente informa, Ajénsia nia papél atu implementa polítika liga ba ICT hodi prepara teknolójia ne’ebé di’ak liu hanesan aplikasaun, infraestrutura nomós rede Fibra Ótika (FO) bazeia ba prioridade nasionál.

Iha enkontru ne’ebé hala’o iha Gabinete SETP ninan Bebora Díli, Diretór ne’e esplika mós, ajénsia refere nu’udar   área ne’ebé ho dekretu lei atu haree lala’ok iha instituisaun Governu nian sira.
Tanba tuir nia, kada tinan gasta osan barak ba dezenvolvimentu aplikasaun no hola ekipamentu sira tanba ne’e, TIC TIMOR tenta atu sentraliza rekursu sira ne’e iha fatin ida.*

Ananias Babo Horta
Relasaun Públika SETP