Viqueque, Vise Ministru Justisa Dr. Sebastião Dias Ximenes halao vizita servisu nian ba iha Dirasaun Terras Propriedades e Servisu Cadastrais no Registo Notariadu Munisipiu Viqueque, Atividade servisu ne’e halao iha loron 22 Fulan Março 2018, Oras 08.00 to’o 11.30 OTL. Vizita Servisu ida ne'e atu hare'e besik oinsa Funsionamentu servisu iha Setór Justisa nian iha Nível Munisipiu, liu – liu iha Munisipiu Viqueque.
S.E. Vise Ministru Justisa Dr. Sebastião Dias Ximenes, halo Encontru ho Funsiunariu sira husi Dirasaun Terras Propriedades e Servisu Cadastrais no Registo Notariadu Munisipiu Viqueque., Encontru iha oras ha’at nia laran ne’e hodi rona diretamente Problemas, Sugestão no dezafius ne’ebe maka Diresaun rua ne’e hasoru lor-loron iha terenu no liu- liu ba iha Atendimentu Públiku nian iha Munisipiu Viqueque.
Além de ne’e S.E. Vise Ministru Justisa Dr.Sebastião Dias Ximenes, Apela mos ba Funsiunariu sira atu foo atendimentu nebe Qualidade ba publiku tamba ita hanesan servidor povu nian no servisu tuir oras servisu nian.

Diresaun Terras Propriedades e Servisu Cadastrais (DTPSC) Munisipiu Lautem,
Iha Loron 22 Fulan Março 2018, Oras 08.00 to’o 11.30 OTL, S.E. Vise Ministru Justisa Dr. Sebastião Dias Ximenes, encontru ho Dirasaun Terras Propriedades e Servisu Cadastrais Munisipiu Viqueque, hodi hare'e servisu ba kadastru no serbisu disputa ba rai. Diretór Terras e Propriedades Sr. Mateus hato’o nia Agradecementu bo’ot ba S.E. Vise Ministru Justisa Dr. Sebastião Dias Ximenes, ne’ebe ba vizita no Encontru ho Funsionariu sira iha Munisipiu Viqueque.
Além de ne’e Sr. Mateus mos Relata kona ba servisu kada Diresaun no Eqipamentos ne’ebe maka la Suficinte tebes iha Diresaun Terras Propriedades, Estrutura Funsionáriu Permanente 5 Casuais 1, atividade ne'ebé Diresaun halo hanesan Alokasaun, Arendamentu, Levantamentu Kadastru, Esporadik Ho Sistematíko, Identifikasaun, Mediasaun.

Dezafiu ne’ebe maka Diresaun Terras Propriedades e Servisu Cadastrais hasoru maka hanesan Menus tebes Rekursu umanu liu-liu iha area IT, Menus no laiha Formasaun atu foo Treinamentu ba Funsionariu sira hodi bele servisu ho Profesionalismu, No persija Transporte tamba Transporte ne’ebe agora iha ne kondisaun ladu’un diak ona e Motorizada atu halao servisu Operasaun Atividade ba iha terenu.
Diresaun Registo Notariado (DRN) Munisipiu Viqueque
Iha Loron 20 Fulan Março 2018, Oras 08.00 to’o 11.30 OTL, Vise Ministru Justisa Dr. Sebastião Dias Ximenes, encontru ho Diresaun Registo Notariado (DRN) Munisipiu Viqueque, hodi hare'e servisu ba Registo Notariado nian. Diretor Registo Notariado Sr. Roquelino, ne’ebe mak relata kona ba servisu kada Diresaun no Eqipamentos ne’ebe maka la Suficinte tebes iha Diresaun Registo Notariado, Estrutura Funsionáriu Permanente 2, Atividade Ne'ebé Diresaun Halo Hanesan Atendementu Ba Certidaun Rdtl, Certidaun Cazamento No Certidaun Óbito .

Dezafiu ne’ebe maka Diresaun Registo Notariado (DRN) Munisipiu Viqueque, hasoru maka hanesan Menus tebes Rekursu umanu (tamba funsiunariu rua deit) no Menus Equipamentus no laiha Formasaun atu foo Treinamentu ba Funsionariu sira atu bele servisu ho Profesionalismu, No laiha Transporte no Motorizada atu halao servisu Operasaun Atividade ba iha terenu .
Marka prezensa iha Encontro ne’e maka; Vise Ministro Justisa, Diretores, no Funsionáriu Ministériu Justisa Munisipiu Viqueque nian.
Vizita Servisu ne'e termina iha oras 11:30, komitiva Vise Ministro Justisa Fila hikas Mai Dili