Sra. MINISTRA JUSTISA AKOMPAÑA PRIMEIRU MINISTRU HALO DIALOGU HO LIDER KOMUNITARIA IHA MUNISIPIU BAUCAU

"Notícia em Português"
Baucau-Centro Convenção de Baucau (CCB), loron sesta feira 23-03-2018, Sra. Ministra Justisa Dra. Maria Ângela Carrascalão akompaña S.E. Primeiru Ministru Dr. Mari Bim Amude Alkatiri, halo dialogu ho lider komunitaria no komunidade sira iha Munisipiu Baucau.
Iha dialogu, hodi hato’o informasaun kona-ba programa VII Governu Konstituisional nian, ne’ebé hala’o husi S.E. Primeiru Ministru Dr. Mari Bim Amude Alkatiri no membrus Governu sira.
Iha Dialogu koalia kona-ba problema Infra-estrutura( Be’e Mos, Estrada ), Edukasaun, Agrikultura.

Ho dialogu ne’e lider komunitaria no komunidade sira, hodi rona deretamente kona-ba programa VII Governu Konstituisional nian.
Husi programa VII Governu Konstituisional nian, lider komunitária no komunidade fiar katak bele responde ba nessesidade hirak ne’e komunidade emfrenta, tanba programa VII Governu Konstituisional nia mak base planu STRATEGIKU DESENVOLVIMENTU NASIONAL ne’ebé DIAK ba rai ida ne’e.

Iha dialogu ne’e partisipa husi membrus Governu, Autoridade lokais no komunidade Munisipiu Baucau.

Honorio Santos
Media Officer
Gabinete Ministra Justisa