Ministériu Justisa liu husi DNDHC, fo Formasaun Direitus Humanus ba Autoridade Lokál iha Postu Administrativu Laleia Munisipíu Manatuto.

Manatuto/Laleia - Ministériu Justisa (MJ) liu-husi Diresaun Nasional Direitus Umanus no Cidadania (DNDHC) hala’o Formasaun Direitu Umanus Durante Loron Rua (2) husi dia 21-22-03-2018 ba Autoridade Lokál iha Postu Administrativu Laleia Munisipiu Manatuto.
Xefe Departamentu Direitus Humanus Sr. Fransisco X. Vasco Soares ne’ebé representa Diretór DNDHC hatete katak objetivu principal ba formasaun ida ne’e atu hasaé Konsiésia no koñesimentu hodi Respeitu Prinsipíu no Valór Direitus Humanus ba lider lokal no komunidade sira neebe dook husi kapital atu hatene diak liu tan saida mak prinsipiu husi Direitus humanus liu-liu ba komunidade postu Administrativu Laleia, nomos sai hanesan Estadu parte ba kovensaun Internasional Direitus Humanus ne’ebe Ratifika ona ita iha obrigasaun atu halo Relatoriu ba Kovensaun sira ne’e.

Formasaun Direitus Humanus ba loron rua tomak ne’e loke formalmente hosi Administrador Postu Administrativu Laleia Munisipíu Manatuto, Sr Simão da Costa iha nia abertura hatete, katak hau apresia tebes ba Ministeriu Justisa neebe hodi halao formasaun durante loron rua iha postu Administrativu Laleia Munisipíu Manatuto, Importante tebes mai ami Lider Lokal sira no komunidade sira iha Area Rudal neebe dook husi Kapital atu bele hatene lalaok kona ka saida mak Direitus Humanus.
Subtansia materia prinsipal ne’ebé iha Formasaun Direitus Humanus nee mak hanesan, Prinsipíu no Valór Direitus Humanus, hato’o husi Xefi Departementu Direitus Umanus, Sr Fransisco X.Vasco Soares, Kovensaun kona ba Eliminasaun Diskriminasaun ho Forma Oi-oin Kontra Feto no Lei Kontra Violensia Domestika, hato’o husi Xefi Departamentu Sr. Miguel Malibere Fernandes, Konvensaun Internasional kona ba Direitu Labarik, Lei Politika Uja Forsa hato’o husi Tekniku Profisional Sr. Helder G. Martins.

Iha sesaun husu no hatan iha mós kolaborasaun husi sr. Virgilho Da silva no sr. Adriano B. Soares, hodi Fasilita pergunta ne’ebé mai husi partisipante sira. Ba prosesu lalaok sesaun tuir ajenda fasilita hosi MC. Sr. Virgilho F. Da silva
Formasaun ida ne’e partisipa husi Autoridade Lokal, Profesores, hosi Ministeriu Solidaridade Saude, Membru PNTL, Komunidade relijaun, Juventude no inklui membru komunidade.

Adriano Barbosa Soares
Asisitente Tratadu Monitorizasaun