MAUBISSE-AINARO, Iha Loron 09 Fulan Março 2018, Oras 10.00 OTL, S.E Primeiro Ministro ho komitiva too iha salaun Parokial Maubisse Munisipiu Ainaro ne’ebe simu ho tara tais no lian Dadolin Maubisse nian. Nomos simu husi Membros Governo, Administrador, Polisia, Estudantes No Autoridades Local Maubisse Munisipiu Ainaro nian.Iha tempu hanesan Administrador Ainaro Hato’o nia bemvindo no Agradecimento boot ba Primeiro Ministro no Membro VII Governo n’ebe ho laran luak ba vizita povu Maubisse oan sira. Vizita ida ne'e atu hare'e besik oinsa Funsionamentu no Dezenvolvimentu iha Nível Munisipiu, liu – liu iha Maubisse Munisipiu Ainaro.

S.E Primeiro Ministro nia diskurso koalia kona ba dezenvolvimentu iha Maubisse nomos rona diretamente husi Autoridade local sira kona ba Problema Be’e, Problema Eletricidade, Problema Dalan, Problema Veteranus, Problema Educasaun No Problema Kona Ba Lei N.° 13/2017, Rejime Espesiál ba Definisaun Titularidade Bein Imovel, no Problema Agricultura. S.E Primeiro Ministro fiar katak programa VII Governo maka bele reponde ba kestaun sira ne’e tamba Programa VII Governo nia Base maka Planu Strategico Dezenvolvimentu Nasional ne’ebe diak ba Rai Doben Timor-Leste.

Alem de Dialogo iha Oppotunidade ne’e povu Maubisse mos hetan Trator ida nebe Fornese husi Ministeriu Agricultora e Pescas Ba Grupu Joven Agricultor Ululefa Maubisse nian. Ministru Agricultora e Pescas (MAP), Eng.Stanislau Aleixo Da Silva Akompanha Diretor Geral MAP Sra.Maria Odete Entrega Xave Trator Ba Xefe Grupu Joven Agricultor Ululefa Maubisse.
Marka prezensa iha Dialogo ne’e maka; Primeiro Ministro, Membros VII Governo, Administrador, Religiosas, NGO, Diretores, Autoridades Local, Representantes Partidu, no povu Maubisse oan sira.

Dialogo ne'e termina iha oras 13:30 OTL, komitiva Primero Ministro Almoço Hamutuk ho Povu Maubisse oan Sira no fila hikas mai dili.