VISE MINISTRO JUSTISA ACOMPANHA PRIMEIRO MINISTRO HALO DIALOGO HO AUTORIDADE LOCAL IHA SAME MUNISIPIU MANUFAHI

Versão para impressão

SAME-MANUFAHI, Loron 08 Fulan Março 2018, Oras 10.25, OTL, S.E Primeiru Ministro ho komitiva too iha Campu aviasaun Same, Munisipiu Manufahi. Ne’ebe simu husi Membros Governo, Adminitrador, Polisia, Estudantes No Autoridades Local Munisipiu Manufahi nian. Iha oras 11.00, OTL, S.E Primeiro Ministro Ho komitiva too iha Admintracao Munisipiu Manufahi ne’ebe simu tara tais no lian Dadolin Munisipiu Manufahe nian.
Iha tempu hanesan Administrador Munisipiu Manufahi Hato’o nia bemvindo no Agradecimeto boot ba Primeiro Ministro no Membro Governo n’ebe ho laran luak b vizita povu Same oan sira. Vizita ida ne'e atu hare'e besik oinsa Funsionamentu no Dezenvolvimentu iha Nível Munisipiu, liu – liu iha Same Munisipiu Manufahi. Administrador Munisipiu Manufahi reprezenta povu Manufahi foo agradece ba VII Governo tamba programa Desentralização realiza duni iha Same Munisipiu Manufahi.

Intervensaun husi S.E Primeiro Ministro agradece tamba VII Governo Constitusional ho Governo Australia asina ona akordu impotante ida kona ba delimitasaun Fronteira Maritima (FM) Entre Timor-leste no Australia iha Nova Yorqe iha loron 06 fulan Março 2018, Primeiru husu atu ita kontinua luta no esforsu nafatin ba prosesu k Informasaun ne’ebe maka durante ne’e lao relasiona ho diskusaun greater sunrise ne’ebe maka ho governu Australia sidauk finaliza hodi dada kadoras mai iha Timor –Leste maibe ita tenque iha esperansa nafatin hodi atinji ita nia objectivu.

Alem de ne’emos S.E Primeiro Ministro mos rona diretamente husi Autoridade local sira kona problema be’e, problema eletricidade, Problema Dalan, problema Veteranus, Problema educasaun no problema kona ba Lei N.° 13/2017, Rejime Espesiál ba Definiasaun Titularidade Bein Imovel. S.E Primeiro Ministro fiar katak programa VII Governo maka bele responde ba kestaun sira ne’e tamba Programa VII Governo nia Base maka Planu Strategico Dezenvolvimentu Nasional ne’ebe diak ba rai doben Timor-Leste.

Marka prezensa iha Dialogo ne’e maka; Primeiro Ministro, Membro VII Governo, Administrador, NGO, Diretores, Chefe Suco, Autoridades Local, Representantes Partidu, no povu Manufahi oan sira. Dialogo ne'e termina iha oras 14:15, komitiva Primero Ministro Almoço Hamutuk ho Povu Same oan Sira no kontinua fali Dialogo ba iha Maubisse Minisipiu Ainaro.


Juvenia Da Silva
Media Officer
Gabinete Vise Ministru Justisa