Estajiáriu UNITAL despedida DNTPSC

Versão para impressão

ESTUDANTE estajiáriu nain 13 hosi Fakuldade Direitu Universidade Oriental Timor Lorosa’e (UNITAL) iha loron sesta, 9 fulan-Marsu 2018 foin lalais ne’e hala’o despedida ho diretór Nasional inklui mós xefe departementu sira hosi diresaun nasionál terras propriedade no servisu kadastrais ministériu justisa.
Antes despedida ho estajiáriu, Diretór Nasionál Terras Propriedades no servisu kadastrais (DNTPSC) Romão Guterres husu ba estudante sira, liu-liu ba estajiáriu nain 13 hosi UNITAL atu bele uza didi’ak oportunidade ne’ebé maka durante ne’e sira hetan hodi bele aplika iha sira nia didikasaun loron-loron nian.

Iha biban nee nia mós husu deskulpa ba estudante sira karik durante halao estajiu iha diresaun la hetan atensaun masimu hosi funsionariu inklui mós ninia xefe departementu sira. Hanesan diretor hosi diresaun, nia parte sente kontente bainhira iha estajiariu sir abalu ne’ebé maka iha interese hodi bele foti sira nia titulu hosi sira bele hakerek mós buat balu kona-bá diresaun nian.
Nia parte husu mós ba iha estajiáiru sira tenki iha ambisaun hodi buka hatene buat ne’ebé maka presiza atu hatene.
Diretór ne’e salienta mós kona-bá servisu Diresaun Terras Propriedades nian tuir loloos servisu ministériu rua nian, tanba iha nasaun dezenvolvidu sira hanesan Japaun no Indonesia, instituisaun ida haree loos ba iha levantamentu dadus no instituisaun ida haree kona-bá no ida fali haree kona-bá geodesia.

Durante ne’e tuir diretór estajiáriu sira mak halo estájiu iha Terras Propriedades dirizente sira sempre fó hanoin ruma kona-ba lei rai nian, maibé kuaze iha fulan hirak nia laran ne’e hosi diresaun la disponivél hodi fó hanoin ruma ba iha estajiáriu sira.
Maske nune’e maibé nia husu ba estajiariu sira hodi bele buka hatene di’akliutan kona-ba saida mak durante ne’e haree no rona hosi estajiáriu sira ida n’e mak servisu diresaun nasionál Terras Propriedades nian.
Romao hateten, hanesan estudante tenki aprende buat ruma hosi saida maka hetan no rona, nune’e iha futuru bele kontribui ba dezenvolvimentu nasaun nian.

Iha fain hanesan dosente orientadór hosi Universidade UNITAL nian Julião B. L. Lourdes mós hato’o agradese ba iha diretór ho nia xefe departementu inkuli mós funsionáriu sira, tanba bele atende ninia estajiáriu sira ho di’ak hodi bele aprende buat balu ne’ebé maka sira seidauk iha koinesementu, nune’e mós sira bele ho prátika. Ho nune’e nia fiar katak, iha futuru nia estudante hirak mak aprende hosi diresaun sira bele hala’o iha sira nia prátika ba moris loroloron. *

Ananias Babo Horta
Mídia DNTPSC