Ministériu Justisa liu hosi DNDHC, DNAJL no DNTPSC Disemina Lei bein Imovel no Expropriasaun ba Utilidade Públika

Versão para impressão

Ermera - Ministériu Justisa (MJ) liuhosi Diresaun Nasional Direitus Umanus no Cidadania (DNDHC), Diresaun Nasional Asesoria Juridika no Lejislasaun (DNAJL) no Diresaun Nasional Terras Propriedade e Serviço Cadastral (DNTPSC) servisu hamutuk hodi disemina informasaun kona-ba Lei N.° 13/2017, Rejime Espesiál ba Definiasaun Titularidade Bein Imovel nomos Expropriasaun ba Utilidade Publika Lei N.° 8/2017 iha postu rua mak hanesan Postu Administrativu Hatolia .no Postu Administrativu Ermera, realiza iha Suku Lisapat, loron 6 no Suku Poetete, loron 7 Marsu 2018.
“Objetivu divulgasaun ne’e atu fahe informasaun lei kona ba bein imovel no ekpropriasaun ba utilidade públika, prioridade ba area sira ne’ebé do’ok hosi kapital nomos konflitu ba bein imovel ne’ebe as tebes hanesan iha Ermera,” tenik Diretor DNDHC, Flaviano Moniz Leão iha abertura.
Adminitrador Postu Administrativu Hatolia no Administrador Postu Ermera ho naran no apalidu hanesan, Fernando Soares, iha sira nia apresiasaun mós kuaze atu hanesan katak apresia tebes ba ekipa Ministériu justisa ne’ebé mai hodi fahe netik informasaun lei kona-ba rai. Problema rai ne’e barak tamba ladun intende lei kona-ba rai nian, nune’e ohin mai divulga ne’e importante atu ita bele hatene no ses hosi konflitu.

Sesaun ba fatin rua hosi postu ne’ebé la hanesan iha munisipiu Ermera ne’e fasilita hosi akipa DNDHC, DNAJL no DNTP ho materia prinsipal hanesan tuir mai, Lei N.° 13/2017, Rejime Espesial ba Definiasaun Titularidade Bein Imovel nomos Lei N.° 8/2017 Expropriasaun ba Utilidade Publika. Iha sesaun sira, perguntas barak refere ba konflitu rai entre individu, maluk sira balun ne’ebé okupa rai estadu nomos balun refere liu ba kontiudu no aplikasaun lei ne’e rasik.
Programa ne’e hala’o tamba hetan apoiu husi UNDP. Iha mós partisipante ne’ebé tuir sesaun iha postu rua ne’e ema hamutuk atus rua hitu nolu (270), asiste mós hosi Admintrador Postu, reprezentante PNTL, UNDP, Sefi suku sira iha postu rua refere, Sefi Aldeia sira, juventude feto no mane no komunidade sira seluk. (C)

Carmelindo da Silva Caetano
Tekniku Superior, DNDHC MJ