Sra. MINISTRA JUSTISA HALA'O ABERTURA "CONFERÊNCIA GOVERNAÇÃO E ORGANIZAÇÃO DA JUSTIÇA CRIMINAL"

"Notícia em Português"
Dili-Novo Turismo, Sra. Ministra Justisa, Dra. Maria Ângela Carrascalão, hala'o abertura ba " Conferência Governo e Organização da Justiça Criminal" iha salaun Hotel Novo Turismo, loron 06-03-2018.
Intervensaun Sra. Ministra Justisa hateten Ha’u hahú hodi fó boas-vindas ba sé mak mai hosi rai liur hodi partisipa iha konferénsia ida-ne’e. Ha’u agradese ita bót sira nian prezensa no laran luak, no hau hein katak sei sente hanesan iha ita-bót sira-nia uma rasik.

Ne’e nu’udar onra ida hodi hato’o liafuan abertura iha konferénsia ida ne’e, ne’ebé halibur painél ida ilustre tebes, ho interese bót hodi diskute no fahe esperiénsia hosi país maun-alin sira kona-ba Governasaun no organizasaun justisa kriminál, liu-liu ninia mekanizmu atu reforsa, estrutura governasaun, organizasaun no jestaun.
Ita fahe ba malu Istória, lian no amizade. Ita fahe mós obstákulu ba malu no fó mós solusaun sira ne’ebé hamosu lójika kooperasaun ne’ebé ita hare iha ne’e.
Projetu hodi fó Apoiu ba Konsolidasaun Estadu Direitu iha PALOP no iha Timor-Leste (PACED) dedika an to’o ohin loron, hamutuk mós ho intervensaun sira seluk, hodi hala’o konferénsia no asaun sira formasaun nian ho objetivu ikus mak atu kombate korrupsaun, brankeamentu kapitál no krime organizadu.

Partisipasaun iha semenáriu ne'e, representante Embaixador União Europeia (UE), Sr. Alexandros Zafiriou, Embaixador Portugal Sr. José Machado Vieira, Presidente Tribunal Rekursu Dr. Deolindo dos Santos, Defensória Publiko Dr. Sergio Hornai, Juiz, Defensória no Estudantes UNTL Fakuldade Direitu.



Honorio Santos
Media Officer
Gabinete Ministra Justisa