Sra. MINISTRA JUSTISA PARTISIPA KONFERENSIA REORGANISAUN RESISTENSIA

Versão para impressão

"Notícia em Português"
Dili-CCD, loron sexta feira 02-03-2018, Sra. Ministra Justisa Dra. Maria Ângela Carrascalão partisipa iha konferensia atu komemora loron Nasional Veteranus nian, ne'ebé maka realiza iha loron ida (1) nian laran, ho topiku "PREMEIRO CONFERÊNCIA para a REORGANIZAÇÃO da RESISTÊNCIA".
Iha konferensia ne'e oradores nain rua (2) maka apresenta, hanesan Sua Exelência Primeiru Ministru Dr. Mari Bim Amude Alkatiri, hahu ninia palestra ho topiku " A ESTRATÉGIA NACIONAL de PROTECÇÃO SOSIAL e SUSTENTABILIDADE na ECONOMIA dos VETERANOS".

Sua Exelência Eis-Vise Komandante Chefe das FALINTIL no Eis-Presidente da Repúblika, Sr. Taur Matan Ruak, ne'ebé hahu ninia palestra ho topiku " ESPRITO e VALORES da RESISTÊNCIA na CONSOLIDAÇÃO do ESTADO e DIGNIFICAÇÃO dos VETERANOS, COMBATENTES e suas GERAÇÕES VINDOURAS".
Sesaun tuir maka husu no hatan, iha sesaun primeiru veteranus nain lima (5), maka husu ba oradores nain rua (2), ne'ebé responde tuir duni pergunta ne'ebé veteranus sira husu.

Selebrasaun loron Nasional Veteranus sira sei kontinua parte lokraik ho Misa iha Igreja Kategral Dili, no vizita ba Jardim dos Heroís iha Metinaro. Iha loron sabadu 03-03-2018, hahu husi 8:00 dader sei iha serimónia lansamentu " PRAÇA da PROCLAMÇÃO da INDEPENDÊNCIA no COMEMORAÇÃO DIA NACIONAL VETERANOS" iha Palacio do Governo no hasa'e Bandeira FALINTIL no Bandeira NACIONAL, no selebrasaun ne'e sei remata marcha Veteranos sira husi Palacio do Governo to'o Centro de Convenções de Dili.

Honorio Santos
Media Officer
Gabinete Ministra Justisa