Oé-cusee-Ambeno, Sra. Ministra Justisa Dra. Maria Ângela Carrascalão hala'o atividade servisu iha Região Administrativa Espesial de Oé-cusse Ambeno (RAEOA), durante loron tolu (3), 26-27-28- Febreiru 2018.
Iha loron domingu 25 Febreiru 2018, tuku 10:34, komutiva Ministériu Justisa, akompaña Sekretario ZEESM Sr. Pedro Sousa Xavier, hasoru Sra. Ministra Justisa iha aeroportu Palaba Oé-cusse-Ambeno, depois akompaña hodi to'o iha Hotel inur sakato.

Loron segunda feira 26 Febreiru 2018 tuku 9:34 to'o 10:45, Sra. Ministra Justisa hamutuk S.E. Primeiru Ministru hala'o lansamentu ofisial Passaporte Eletróniku de Timor-Leste iha Konservatóriu Registu Sívil de Região Administrativa Especial de Oé-cusse Ambeno.
Tuku 11:32 Sra. Ministra Justisa Dra. Maria Ângela Carrascalão, akompaña Sekretario Zona Ekonomia Espesial Sosial Merkado ( ZEESM) Sr. Pedro Sousa Xavier, autoridade lokais, ho kumotiva Ministériu Justisa hala'o vizita ba IRIGASAUN TONO. Tuku 12:15 Sra. Ministra Justisa ho komutiva hala'o vizita no ba hare konstrusaun Hotel fitun lima (5), iha Oé-upo, Sra. Ministra Justisa hodi rona besik explikasaun hosi diretór obras hotel nia Eng. Fernando Rodrigues kona-ba servisu konstrusaun refere.
Parte lokraik tuku 17:16 Sra. Ministra Justisa ho komutiva hala'o vizita ba hare fatin istóriku ne'ebé mosu primeiru Português tama mai Timor, hosi (LIFAU).

Loron tersa feira 27 Febreiru 2018 tuku 9:05 to'o 9:32, Ministra Justisa hala'o enkontru ho S.E. Primeiru Ministru Dr. Mari Bim Amude Alkatiri iha edifisiu ZEESM Oé-cusse-Ambeno.
Iha lokraik tuku 16:51 Sra. Ministra Justisa hala'o vizita ba Konservatorio Registo Notariadu Região Administrativa Espesial de Oé-cusse Ambeno (RAEOA), hodi hare servisu liu – liu ba atendimentu públiku Passaporte Eletróniku, no Sertidão RDTL. Diretór Konservatorio Registu Notariadu Dr. Jose explika kona-ba servisu lor-loron atendimentu públiku Sertidão RDTL (Sertidão moris) nian ba Sra. Ministra Justisa.