"Notícia em Português"
Dili-GMJ, loron sesta feira 23-02-2018, Sra. Ministra Justisa Dra. Maria Ângela Carrascalão, simu vizita kortizia ho representante NGO Internasional halibur hamutuk iha UNICEF .
Reuniaun ne'e ho parseiru dezenvolvimentu sira hanesan PARTNENSHIP FOR HUMAN DEVELOPMENT, SIMILIE, CHILD FUND, UNFPA, WORLD VISION, inklui Governu Australia, hodi koalia kona-ba oinsa atu harforsa situasaun registu ne'ebé iha ona.
Parte rua koalia liu kona-ba atu halo harmonizasaun ka modernizasaun ba sistema registu ne'ebé iha ona. Registu ne'e sai koalia liu tanba registu moris (Nascimentu), registu óbitu nian, ne'ebé sei hala'o hosi servisu DNRN.

Iha mós proposta hosi parte Governu nian kona-ba atu halo ona e-BI (Bilhete Identidade), hanesan e-passaporte ne'ebé ita implementa ona. Tanba ho e-BI sei hadia liu tán kualidade seguransa nian registu, nomos ho sistema e-BI bele halo fasil liu komunidade tanba sistema hotu integradu ona iha laran, signifika katak kartaun ida bele uja ba assuntu lubuk ida.
Iha enkontru ne'e, Sra. Ministra Justisa hato'o nia apresiasaun ba oradores Internasional sira nian apoiu mai Timor-Leste.

Enkontru ne'e hahu 10:00 to'o 10:54.