ENCERAMENTO HUSI VISE MINISTRO JUSTISA BA FOMASAUN HO TEMA MAK HANESAN “LIFE SKILLS BASIC EDUCATION TRAINNING FOR YOUTH IN BECORA PRISION NO SUPPORT TRAINING TO PRISON GUARDS”

Versão para impressão

Dili - Prizaun Becora , Governu dahituk, S.E. Ministro Justisa Dr. Sebastião Dias Ximenes, halo Enseramento ba Formasaun ho Tema : “LIFE SKILLS BASIC EDUCATION TRAINNING FOR YOUTH IN BECORA PRISION NO SUPPORT TRAINING TO PRISON GUARDS , loron Segunda feira 19-02-2018, Oras 09.00 to’o 10.10 OTL.
Programa ba formasaun rua refere ne’ebe maka hetan apoiu husi UNICEF ba Prisioneru sira iha becora liu husi DNSPRS . Objectivu husi Formasaun refere “Atu Promove Conhecimento No Abilidade Prisioneirus no Guarda Prisional”. Formasaun ida ne’e atu Promove Conhecimento ba Prisioneirus sira no oin sa gere Abilidade Moris iha Sosiedade nomos Prepara a’an hodi Partisipa Dezemvolvimentu Nasional Timor-Leste iha futuru mai. Programa formasaun refere, hetan apoiu financeiru husi UNICEF

Data Formasaun ne’e hahu husi loron 12 to’o 15 fulan fevereiru tinan 2018. Formasaun ne foo liu Oportunidade ba Prisionerus nebe maka ho idade 16 to’o tinan 21, ho Formandor husi UNICEF no PARLAMENTU FOIN SAE SIRA, Formando 39 maka tuir Formasaun ne’e.
Iha biban nemos Representante husi Formando Prisionerus becora nian Alito hato’o nia liafuan badak durante tuir Formasaun ne’e katak Formasaun Abilidade Moris ne iha Modulu hitu (7) mak hanesan: Komunikasaun, Konese ita nia a’an, Abilidade Interpesoal, Hanoin Kritiku, Empatía, Foti Desijaun, no Resolve Problema ho Formasaun ne’e atu bele muda ami nia hanoin atu conhece didiak se mak hau no hadomi ita nia a’an no ema seluk, atu muda hahalok at’at sira no maneje ita nia emosaun atu nune’e fila ba komunidade bele sai diak liu tan iha futuru mai.

Aleinde ne’e mos Represnetate husi UNICEF hatoo nia menssagem ba Prisioneru sira katak tenke fiar ita nia a’an , fiar ba ita nia esperansa no fiar ba saida mak ita atu hetan tamba fiar mak ita sei halo mudansa ba ita nia a’an rasik alende fiar ita mos tenke esforsu ita nia a’an atu muda ita nia hahalok a’at sira sai diak liu. Ho fiar mak ita bele atinji buat foun ba ita nia moris.
Loron Segunda feira 19-02-2018, Oras 09.00 to’o 10.10 OTL, Vise Ministro Justisa halo Enseramento ba Formasaun refere no iha nia diskursu ba Enseramento ne’e Vise Ministro husu ba fomando sira atu bele uja matenek durante tuir Formasaun ne atu Kapasita imi nia a’an , Aumenta conhecimentu hodi ajuda imi nia hahalok no komportamentu iha imi nia moris durante sei iha prisaun ne’e nomos bele aplika fali formasaun ne’ebe maka ita boot sira hetan wainhira fila fali b uma ou ba familia no komunidade nia le’et.,

formasaun sempre lori beneficio ba ita nia a’an portantu husu ba formandu sira atu bele muda ita NIA a’an sai diak liu tan iha futuru mai no hasae ita nia abilidade ho hahalok nebe positivu ba ita nia a’an ba familia no komunidade.
objetivu husi programa ne’e maka atu apoio adolesente no juventude nia desemvolvimentu positivu liu husi hamoris resiliensia iha joven no forma hahalok positivu ne’ebe sustentavel.

Vise Minitro mos apela ba prisioneiru sira atu cumpri regras prizaun nian.
Liafuan ikus husi Vise Ministro Justisa ba enceramento Formasaun ne’e katak hanoin nebe diak no positivu bele muda ita nia hahalok sai diak liu iha futuru mai no hasae ita nia abilidade atu moris diak liu. Hau Oficialmente Encera ba Formasaun ne’e.


Juvenia Da Silva
Media Officer
Gabinete Vise Ministru Justisa