"Notícia em Português"
Dili-GMJ, loron kinta feira 15-02-2018, Sra. Ministra Justisa Dra. Maria Ângela Carrascalão simu vizita kortizia hosi Embaixadora Estado Unidos America (EUA), iha Timor-Leste Dra. Kathleen M. Fitzpatrick, akompaña Sra. Caroline T. Nguyen hosi Millennium Challenge Corporation (EUA), iha Gabinete Ministra Justisa.
Embaixadora EUA iha ninia vizita primeiru ne'e hodi hato'o parabens ba Sra. Ministra Justisa foun bá VII Governu Konstitusionál RDTL.
Alén fó parabéns, Embaixadora esplika mós ba Sra. Ministra Justisa kona-ba apoiu EUA ba Timor-Leste liu – liu hosi programa Millennium Challenge Corperation (MCC).

Iha fulan Dezembru 2017, Timor-Leste hanesan nasaun ida selesionadu tanba hatudu programa diak tebes iha "BOA GOVERNASAUN", transparensia, nomos aspetos legais ba lei lubuk ida ne'ebé aprovadu.
Iha enkontru ne'e, Sra. Ministra Justisa hato'o nia apresiasaun ba Embaixadora nia vizita no agradese mós ba apoiu hosi Estadu Amerika mai Timor-Leste, esplika mós situasaun aktual setór justisa nian, hanesan prosesu implementasaun lei ba rai, lei kontra violensia domestika nomos kona-ba FETO nian asesu iha negócio.

Enkontru ne'e kuaze 30 minutu.