"Notícia em Português"

Dili loron kinta-feira 08-02-2018. Sra.Ministra Justisa Dra. Maria Ângela Carrascalão simu vizita kortezia Embaixador Portugal iha Timor-Leste Dr. José Pedro Machado Viera iha Gabinete Ministra Justisa.

Primeira vizita kortezia ne'e Embaixador Portugal Dr. José Pedro Machado Viera hato'o nia parabens ba Sra.Ministra Justisa Dra. Maria Ângela Carrascalão,ne'ebé simu knár foun nu'udar Ministra Justisa ba VII Governu Konstitusional RDTL, nune'e mós deseja sussesu ba servisu Ministériu Justisa.

Enkontru ne'e ho ambiente amigavél, hatudu espíritu país maun-alin atraves koalia asuntu kooperasaun servisu balun mak hala'o ona durante ne'e.

Sra.Ministra Justisa no Embaixador Portugal koalia oinsa mak estabelese protokolu foun ba koperasaun iha area justisa entre Timor-Leste ho Portugal. Embaixador Portugal Dr.José Pedro Machado Viera hateten kooperasaun Timor-Leste ho Portugal iha área setór justisa ne'ebé lao ho "Diak" liu –liu ba sistema judisiaria.

Sra. Ministra Justisa mós agradese no reforsa tán ba alargamentu serbisu no kolaborasaun e kooperasaun kontinua lao nafatin ba futuru.
Enkontru ne'e hahu 8:30 to'o 9:00.