MINISTRA JUSTISA HALA'O ENSERAMENTU BA SEMINÁRIU GOVERNU ELECTRONICO DIGITAL

"Notícia em Português"
Dili,Timor-Plaza (TP), loron tersa feira 06-02-2018, Sra. Ministra Justisa Dra. Maria Ângela Carrascalão hala'o enseramentu semináriu ho topiku : " Lidera a Transformação Digital nós Países Africanos de Lingua Oficial Português e Timor-Leste", iha salaun Maubara Conference Room Center, piso 5 Timor Plaza.
Transformasaun serbisu electroniku atu modernizasaun ba atedimentu administrasaun públiku iha nível nasional liu-liu halo alargamentu ba Munisipiu sira ne'ebé dok hosi kapital.

Timor-Leste foin hahu iha fulan Janeiro 2018, projeto ne'e hala'o ba Munisipiu nén (6), komesa loke ona iha Munisipiu Liquiça no ba Munisipiu lima (5) tuir mai, Ainaro, Aileu, Manatutu, Viqueque, Manufahi. Governu electroniku ba lingua português, parseriro hosi PASP-PALOP atu dezenvolvimentu tecnologia informátika ba administrasaun electroniku ne'ebé avansadu ho seguransa atu responde ho efikasia e transparensia ba serbisu administrasaun finansas públiku ne'ebé hakat ona ba oin.

Tuir mai intervensaun no enseramentu hosi Sra. Ministra Justisa Dra. Maria Ângela Carrascalão hateten agradese bót ba tulun atu dezenvolvimentu Timor-Leste hanesan Bilhete Identidade (BI) atu hakbesik Timor-oan sira ne'ebé hela iha foho no trata sira nian dokumentu iha Munisipiu sira hela fatin, la-persisa atu to'o iha kapital Dili. Timor-Leste iha mapa, rai ida ki'it agora tama ba mundu globalizasaun electroniku teknologia informátika hanesan tulun doadores sira mai Timor-Leste. Timor-Leste hanesan país ida ho ninian populasaun estabilidade, no projeto teknologia digitalizasaun halo modernizasaun ba povu Timor-Leste. Ami agradese ba Estadu Portugal ho Uniaun Europeia ne'ebé fó tulun mai ami atu dezenvolvimentu ba governu electroniku iha Timor-Leste.
Semináriu ne'e hetan apoiu hosi projetu Portugal ho Uniaun Europeia.

Honorio Santos
Media Officer
Gabinete Ministra Justisa