MINISTRA JUSTISA LANSA EMISSAUN BA BILHETE IDENTIDADE IHA MUNISIPIU LIQUIÇA HOSI PROJETU HOSI PORTUGAL HO UNIAO EUROPEIA

Versão para impressão

"Notícia em Português"
Liquiça , loron sesta feira 02-02-2018, Ministra Justisa Dra. Maria Ângela Carrascalão, hala'o lansamentu ofisial emissaun ba Bilhete Identidade (BI) iha Registu Notáriado Munisipiu Liquiça.
Ministra Justisa iha ninia intervensaun hateten hau kontenti tebes, hau nian moris fatin marka istoria ida ba Estadu Timor-Leste, laos trata deit ba infranstutura maibé trata mós ba Bilhete Identidade (BI). Hau apresia no agradesimentu ba país Portugal ho Uniaun Europeia ne'ebé fó apoiu nafatin mai Timor-Leste. Munisipiu Liquiça hakat ona ba passu ida tán ba oin, no hau apresia tebes ba apoiu hodi halua tán atedimentu administrasaun públiku nian iha komunidade nian le'et.

Ita akompaña notisia lor-loron , iha Dili ema barak tebes mak ba forma iha Registu Notariado hodi trata sira nia BI, agora iha oportunidade diak ba ita bót sira atu trata BI iha fatin ne'e Registo Notariado Munisipiu Liquiça, la percisa to'o iha Dili tán. Bilhete Identidade hanesan dokumentu importante ba sidadaun Timor-oan ida-idak, ho BI sei justifika Timor-oan ida-idak nu'udar sidadaun orijin, ho BI bele utilize hodi trata asuntu ruma atu kompleta rekijitus serbisu ruma, hodi halo PASSAPORTE no seluk-seluk tán iha futuru. Estadu de direitu harií rasik hosi BI, biban ida ne'e mak Estadu Timor-Leste bele fó ba ninian sidadaun sira. Hau agradese ba projecto PASP/PALOP-TL ba apoiu alargamentu BI iha Munisipiu nén (6) hanesan : Aileu, Ainaro, Manufahi, Viqueque, Manatutu no ohin hala'o lansamentu ofisial loke iha Munisipiu Liquiça, atu fasilita ba sidadaun ne'ebé dok hosi kapital Dili.
Intervensaun hosi Diretór Jeral Ministériu Justisa Dr. Henrique de Oliveira Ximenes hateten agradese ba projecto PASP/PALOP-TL em partikular ba Portugal ho Uniaun Europeia ne'ebé fó apoiu mai Timor-Leste, ho procesu serbisu hamutuk país PALOP hodi hakbesik ba komunidade no entrega projeto ba Ministériu Justisa hodi besik ba komunidade nian le'et liu-liu sira iha área remotas ne'eba.
Depois de kafe fahe malu.
Serimónia ne'e hahu tuku 15:18 no termina tuku 16:27.

Honorio Santos
Media Officer
Gabinete Ministra Justisa